lunes, 10 de agosto de 2026
O Grupo Fotocinematográfico Fonmiñá, co fin de elexir o cartel que anunciará a XXIX Semana Internacional de Cine de Autor de Lugo, convoca o Concurso de Deseño Gráfico que se rexirá polas seguintes bases:
Cada autor poderá presentar ata un máximo de tres deseños. As dimensións do cartel estarán comprendidas entre os 21x30 cms. e os 35x50 cms. Ademáis, os traballos deberán presentarse en soporte tradicional (cartulina reforzada con cartón pluma) acompañados dun soporte dixital a tamaño orixinal do cartel e a 300 píxeles. No cartel deberá figurar o texto: "XXIX Semana Internacional de Cine de Autor Septiembre 2007-Lugo", e o logotipo de Fonmiñá.
O prazo de admisión de orixinais remata o 31 de maio de 2007, e deberán remitirse ao Apdo. 155 de Lugo, ou ao local social na rúa Concepción Arenal, 63 (27004). Deberase notificar o número e medio do envío por e-mail a fonmina@galiciadigital.com.
O xurado estará integrado por persoas de recoñecido prestixio no mundo do deseño, así como por representantes das entidades patrocinadoras e convocante (Fonmiñá, Secretaría Xeral de Comunicación da Xunta de Galicia, Consellería de Innovación e Industria, Vicepresidencia da Igualdade e do Benestar, Xacobeo, Concello de Lugo, Deputación Provincial de Lugo, SGI, Universidade de Santiago de Compostela, Fundación Caixa Galicia e GaliciaDixital). O veredicto, que será inapelable, darase a coñecer a través dos medios de comunicación e directamente ao gañador.
Cos carteis seleccionados montarase unha exposición no mes de setembro, coincidindo coa celebración da Semana Internacional de Cine de Autor de Lugo. Os dereitos de autor do cartel premiado quedarán en poder da organización. O premio para o autor do deseño gañador será de 1.000 euros e un trofeo.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
