lunes, 10 de agosto de 2026
O Observatorio dos Medios (OM) do Colexio Profesional de Xornalistas de Galicia (CXPG) organiza o seu cuarto Foro Internacional, nesta ocasión so o nome Comunicación e Persoas Maiores. O foro ten xa en andamento unha parte virtual, que
deu comezo o pasado luns 12 de febreiro e se desenvolve na páxina web do Observatorio (www.observatoriodosmedios.org) até o 14 de abril. Na mañá desa data celebrarase unha xornada presencial no Liceo de Ourense, coa posibilidade de participar en calquera das dúas de maneira gratuíta. Nestes días, unha ducia de comunicacións vindas de todo o mundo teñense subido aos foros virtuais.
A base deste foro, como do resto dos organizados polo Seminario Permanente sobre Comunicación, Cidadanía e Xornalismo Social do Observatorio, é pór en contacto as experiencias, opinións e puntos de vista dos sectores académico, profesional do xornalismo e das asociacións, na busca dun xornalismo máis ético e social. Por este motivo, o Observatorio dos Medios fai un chamamento a toda a cidadanía para participaren tanto do encontro virtual (enviando textos ou intervindo nos debates que terán lugar na rede) como da xornada presencial.
Un grupo esquecido, mais cada vez máis amplo
Actualmente, e principalmente debido ao continuo ascenso que presenta a esperanza de vida, a terceira idade ven tomando un espazo cada vez maior, sexa como axente ou como obxecto dos máis diversos ámbitos sociais. Hoxe vivimos un rescate da maior idade apreciado tamén nos medios-, considerado desde a pasaxe da sociedade para unha fase posindustrial, na que a ciencia ofrece condicións de optimizar o organismo e que permite facer dos máis vellos un novo grupo e cada vez máis influente- de mercado.
Este grupo, non obstante, aparece transfigurado polos patróns do novo (impostos para e pola adolescencia, pero extensíbel á terceira idade), que acaban por condicionar a persoa maior como aquela que debe sentirse e vivir dentro do posíbel coma adolescente. É dicir, actualmente, a prevalencia da xuventude coma un valor maior destaca un aspecto da subxectividade contemporánea na cal o envellecemento equivale a unha perda a ser evitada.
É neste sentido que o Foro Internacional sobre Comunicación e Terceira Idade debe servir de espazo para levantar, discutir e proporcionar novos cuestionamentos, novas solucións e, sobre todo, novas perspectivas para esta temática.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
