martes, 7 de abril de 2026
o Kiosko Alfonso, na Coruña, acolleu a presentación da obra gañadora do Premio de Narrativa Breve Repsol YPF 2006: Se algún día esta muller morta, de Miguel Sande. NAo acto asisten Rafael Rubio, Director de Repsol YPF, Víctor F. Freixanes, Director Xeral de Editorial Galaxia, Marisol López, Secretaria Xeral de Política Lingüística, e Cesáreo Sánchez Iglesias, presidente da AELG, que acompañan ao autor na presentación da súa primeira novela.
O novo Premio de Narrativa Breve Repsol YPF, do que se acaba de celebrar a primeira edición, foi para a novela curta Se algún día esta muller morta, de Miguel Sande. Nela cóntase, a través dun monólogo intenso e espido, a historia dunha muller maltratada. A narrativa breve volve ás librerías cun premio específico e cun título no que sentimentos, reflexión e forma narrativa serven de refuxio ás arelas dunha muller.
Despois de ir ao cinema, coma sempre soa, unha muller decátase de que acaba de ver a súa vida reflectida na pantalla. Miguel Sande explora a historia dunha muller que se nega a aceptar a morte dos sentimentos, a realidade dunha vida en ruínas.
A que está no interior da cova, contra o final desta furna entre a humidade e a néboa, é unha muller morta. Eu. Son eu. E é verdade, estou morta, deste xeito comeza a primeira obra literaria na que Miguel Sande aborda unha historia de ficción. A aventura persoal da protagonista da novela é, en palabras do autor, a máis apaixonante de todas as aventuras, incluso para novelar. O relato parte dunha situación de desesperanza levada ao límite, case que á loucura, e boa parte da historia está tamén na linguaxe: rota, coma a muller protagonista.
MIGUEL SANDE (Pastoriza, Arteixo, 1961) é escritor e xornalista. Como autor de teatro publicou as obras Á alba pide comigo vivir (1985), Ninguén chorou por nós (Premio Rafael Dieste, 1999) e 39 veces chao (2002). Estas tres pezas teatrais foron recollidas no volume Elas, que din. A súa obra poética inclúe Os poemas do deserto (1994) e Hoxe, que vén o vento do sur (2006). En prosa é autor de Cuba, doce e soturna (1994), un texto situado entre a ficción e o ensaio, próximo á literatura de viaxes.
Foi presentada a novena edición do Festival Clasclás que, baixo lema de 'Paixón', se vai celebrar, do 20 ao 27 de xuño, en Vilagarcía de Arousa, cunha ambiciosa programación que aposta pola vangarda e a ciencia. Así, este certame convértese nunha das grandes citas internacionais da música clásica, cunha programación que abrangue desde a excelencia da Orquestra Sinfónica de Galicia e da música de cámara ata o virtuosismo de solistas chegados de diferentes partes do mundo. O evento inclúe a celebración dun 'concerto inmersivo' para conmemorar a eclipse solar, que terá lugar en agosto.
O presidente da Xunta destacou que 'as medidas fiscais aprobadas polo Goberno galego e consolidadas dende o ano 2022 permitirán a cada contribuínte da comunidade aforrar unha media de 476 euros na declaración da renda'. Así mesmo, lembrou que na campaña deste ano 'seguen vixentes as medidas de alivio fiscal' postas en marcha pola Administración autonómica nos últimos anos. Así, os contribuíntes galegos volverán aplicar a tarifa deflactada nos tres primeiros tramos autonómicos do IRPF no ano 2023 e a rebaixa do primeiro tramo e do incremento dos mínimos persoal e familiar.
