sábado, 7 de noviembre de 2026
Roberto Verino, Toypes e María Barros están a ter a oportunidade de amosar as súas últimas coleccións ao mercado norteamericano, nunha da feiras de moda máis importantes e consolidadas del mundo, The Coterie, que se celebra en Nova York entre o 20 e o 22 de febreiro. O Igape é a única institución do Estado español que conta con stand propio, e Galicia é a única Comunidade Autónoma representada nesta mostra, o que é significativo dado que produce aproximadamente o 45% da moda española.
A feira, que conta con dúas edicións anuais, reúne aos deseñadores máis relevantes do panorama internacional cos showrooms máis exclusivos dunha das capitais mundiais da moda, que así teñen a oportunidade de mostrar as súas novidades aos representantes de grandes almacéns de Estados Unidos (Macys, Sacks Fifth Avenue, Bloomingdales, etc.) e a outros importadores e distribuidores de moda. Nesta primeira edición de 2007, máis de 3.000 deseñadores están a mostrar as súas creacións a un número de asistentes que se agarda supere amplamente os números de edicións anteriores (máis de 13.000 na última edición de 2006).
A calidade e o deseño das coleccións amosadas vén garantida por un estrito proceso de selección, no que se esixe a cada deseñador que presente 5 prendas a un xurado formado por recoñecidos membros da industria e a prensa. Só se admiten na exposición os traballos que superen dous exames sucesivos e eliminatorios, o que provoca listas de espera de varios anos para participar neste evento.
Este problema, non obstante, non afectou as empresas galegas, debido á elevada calidade da súa moda e á xestión loxística efectuada polo centro de promoción de negocios (CPN) que ten o Igape en Estados Unidos, dende onde se organizou a recepción de mostras para o exame, simplificando e axilizando o proceso.
Ademais, o Igape participa directamente na feira a través da adquisición de espazo expositivo, que foi cedido gratuitamente ás tres empresas participantes para que teñan a oportunidade de amosar as súas creacións ao público e industria de Estados Unidos.
Non embargantes, a vantaxe máis importante da que disfrutaron as empresas representadas na mostra foi a elaboración dunha axenda de contactos na que se inclúen os compradores dos grandes almacéns, showrooms e distribuidores de Nova York e do resto de Estados Unidos, que pasarán a visitar o stand do Igape, onde coñecerán aos representantes das empresas galegas e verán as súas coleccións.
Nun mercado tan competitivo como o norteamericano, esta acción promocional do IGAPE é unha grande oportunidade para que as empresas galegas consoliden o seu proceso de internacionalización, imprescindible no sector da moda na actualidade.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
