lunes, 10 de agosto de 2026
Carlota Mera é unha xoven risueña e leda, afeccionada aos cabalos e á pintura. Este ano, a súa paixón pola arte levouna lonxe, concretamente a ser finalista do III Certame de Pintura Novos Valores, organizado polo Concello de Brión. O seu cadro, de trazos firmes e grandes medidas -ten sete centímetros menos ca min de alto- foi motivo de discusión entre o xurado que finalmente lle concedeu un diploma acreditativo recoñecendo o seu valor como finalista.
Un xinete de rostro decoñecido achégasenos desde o ángulo superior esquerdo do lenzo para avanzar cara nós montado sobre un cabalo branco. O traballo foi arduo e complexo. O cadro é tan grande que me tiven que axeonllar para pintar as partes baixas e subir a un banco para as partes altas, explica. A verdade é que o pasei mal porque era Nadal e eu estaba con bronquite e claro, o cheiro a trementina e a augarrás facíanme moito mal, engade. A idea da obra saiu dunha revista con imaxes de cabalos. Mirei moitas revistas antes de decidirme. Tiña unha idea na cabeza e quería facer o máis parecido ao que tiña imaxinado, comenta.
Natural de Viceso (Brión) Carlota vai a clases nocturnas a Santiago para sacar o seu titulo de Técnico en Farmacia. Vou ao Lamas de Abade. O que eu quería facer era enfermería, pero non entrei así que aquí estou. As clases, de catro a dez, gústanme moito e sempre saco boas notas, declara. Na aula hai xente de todo tipo e de todas as idades. Ten o seu mérito. Cando remate, en decembro do ano que vén buscarei traballo mentres penso qué facer. Non me podo apuntar a ningún outro curso por rematar en decembro e non quero perder o ano sen facer nada así que traballarei, comenta.
O gusto pola pintura venlle a Carlota de nena. Con seis-sete anos fun a unha academia pero enseguida a deixei por problemas familiares. A verdade é que eu pinto sen experiencia, non como as miñas compañeiras que gañaron o concurso, que van as dúas a clases, conta. A verdade é que non me animo a presentarme a máis certames porque nunca se sabe o que te vas a atopar. A competencia é dura e hai xente moi preparada. Eu non teño preparación, gustaríame, pero non a teño, confesa.
Seguir facendo o que me gusta. Ese é o obxectivo de Carlota. É bonito facer o que un quere. Eu non me imaxino de maior traballando toda a vida nunha cousa que me aborrece. Quero seguir montando ao meu cabalo e pintando de cando en cando e atopar traballo do meu. Parece moito pedir pero non o é, di.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
