sábado, 7 de junio de 2025
A secretaria xeral de Igualdade, Carme Adán, fixo entrega á secretaria xeral da Consellería de Economía, Inmaculada Viña, das propostas relativas a este departamento, que se inclúen no V Plan para a Igualdade de Oportunidade entre Mulleres e Homes. Preténdese que cada departamento implicado na posta en marcha deste Plan valore as propostas e trasladen a as súas suxerencias, se ben, na elaboración deste plan xa se contou coa participación e coas aportacións de departamentos da Xunta que teñen que ver coa aplicación deste plan.
Nos vindeiros días a secretaria xeral de Igualdade, Carme Adán, entregará as propostas do Plan referidas ás outras áreas do Goberno, como a de Sanidade, Cultura ou Industria, aos responsables dos departamentos correspondentes. Estas propostas enmárcanse nas catro liñas estratéxicas en torno ás que xira este plan, que son a participación e o empoderamento, o acceso á información e aos recursos, a formación en igualdade de oportunidades entre homes e mulleres así como a abordaxe integral da violencia de xénero.
O V Plan para a Igualdade de Oportunidades entre Mulleres e Homes, que se leva elaborando de xeito consensuado dende o pasado mes de xuño, preséntase públicamente o vindeiro día 8 de marzo, coincidindo coa celebración do Día Internacional das Mulleres.
A Xunta de Galicia completou esta semana os trámites para a autorización dos nove proxectos de repotenciación voluntaria de parques eólicos recibidas entre finais de 2023 e comezos de 2024 e que permitirán suprimir 286 aeroxeradores do territorio galego así como, coa mesma potencia, incrementar un 35 % a produción de enerxía renovable. Trátase dun procedemento que destacou pola súa axilidade pois os prazos de autorización administrativa acurtáronse considerablemente, completándose en menos dun ano desde a recepción do proxecto definitivo e cumprindo así co mandato comunitario de axilizar as xestións e garantir que non se alongan máis de dous anos.
O director xeral de Relacións Exteriores e coa UE, Jesús Gamallo, participou na asemblea xeral Comisión do Arco Atlántico da Conferencia das Rexións Periféricas Marítimas en Sevilla, na que se fixo balance do último ano e se presentaron as previsións para 2026. O director xeral interveu na sesión Un novo marco financeiro plurianual da UE: que hai para o Atlántico, onde defendeu un futuro da política de cohesión descentralizado e o rexeitamento ao cambio de modelo cara un plan único por estado membro, postura baseada nas experiencias previas que mostran que os programas operativos rexionais son a fórmula máis eficiente para a xestión dos orzamentos destinados á cohesión.
