sábado, 13 de diciembre de 2025
O Consello de Administración da Tecnópole autorizou oficialmente a instalación da empresa T-Solar Global no recinto do Parque Tecnolóxico de Galicia. A nova empresa ocupará 28.500 metros cadrados de terreo para o desenvolvemento dun proxecto pioneiro en Europa no sector dos paneis de enerxÃa solar fotovoltaica.
A importancia desta decisión ten dúas vertentes. Por unha banda, trátase do maior proxecto empresarial acollido pola Tecnópole en termos de investimento, cifrado en máis de 75 millóns de euros. Pola outra, é unha iniciativa pioneira en Europa, xa que representa un paso adiante na tecnoloxÃa de deseño e fabricación de paneis solares fotovoltaicos de capa fina de silicio. Ata o de agora, estes paneis veñen sendo fabricados nun 90 por cento con silicio cristalino, mentres que o proceso de fabricación que se levará a cabo no recinto ourensán de San Cibrao das Viñas se baseará no silicio amorfo, o de maior rendemento.
T-Solar Global terá unha capacidade anual de fabricación de paneis para producir ata 40 MWp (megawatios pico), unha cifra revolucionaria en España, onde o total dos fabricantes estatais xeneraron paneis solares para 82 MWp en 2005, último ano do que conta con datos completos a Asociación da Industria Fotovoltaica (ASIF).
Esta capacidade de produción será moi relevante no lugar que España ocupa no sector. Xa agora as empresas españolas dedicadas á fabricación de paneles solares supoñen o 14 por cento da produción europea e o 4 por cento da mundial.
A empresa conta con ter creado 200 postos de traballo aos dez meses de completar a súa instalación na Tecnópole, dos cales o 60 por cento serán cualificados –polo menos o 20 por cento deles enxeñeiros e licenciados-. A produción comezará no prazo máximo de 18 meses, coa previsión de ter no mercado os seus primeiros paneis solares no segundo semestre de 2008.
T-Solar Global aboará 45 euros por metro cadrado na Tecnópole e poderá edificar ata no 50 por cento da superficie total que lle foi concedida. O proxecto, que conta cun socio norteamericano de perfil tecnolóxico, está impulsado por Isolux, coa participación dun grupo promotor liderado por Marcial Portela, Xesgalicia e un grupo de socios minoritarios.
Os Concertos do Xacobeo da Xunta de Galicia achegarán a mellor música internacional do momento a Santiago de Compostela cunha nova edición de O Gozo Festival. Maroon 5, Martin Garrix, Danny Ocean, Rita Ora e Miriam RodrÃguez son as primeiras confirmacións do festival, que presentarán os seus directos no Monte do Gozo compostelán o sábado 11 de xullo de 2026. O Gozo Fest conta co apoio da Xunta de Galicia a través da Axencia Turismo de Galicia, no marco dos Concertos do Xacobeo. En 2026, O Gozo Festival celebrará a súa cuarta edición cun line-up de luxo. O proxecto O Gozo Festival, que naceu en 2023 co apoio da Xunta de Galicia a través da Axencia Turismo de Galicia, no marco de Concertos do Xacobeo, consolidouse na súa terceira edición, celebrada en 2025, cun éxito rotundo de crÃtica e público.
O presidente da Xunta, Alfonso Rueda, defendeu esta mañá, na súa condición de presidente da delegación española do Comité Europeo das Rexións (CdR), unha maior cogobernanza das rexións na planificación e xestión dos fondos europeos e máis recursos para o sector primario. Asà o destacou logo dunha reunión organizada polo Executivo galego entre os representantes españois tanto das comunidades autónomas como das entidades locais do CdR con eurodeputados españois e o embaixador representante permanente de España ante a Unión Europea, Marcos Alonso, 'para poñer en común as intencións e o noso plantexamento' de cara á negociación do novo Marco Financieiro Plurianual 2028-2034.
