martes, 11 de agosto de 2026
O director xeral para o Deporte, Santiago Domínguez Olveira, visitou as obras do centro de piragüismo de Pontillón de Castro, que acollerá no 2007 o Campionato de Europa de Augas Tranquilas. O desenvolvemento das mesmas está transcorrendo segundo o previsto a pesar das inclemencias meteorolóxicas dos últimos meses.
Nas obras do edificio están traballando unha media de 42-50 traballadores diarios e se está facendo de forma intensiva (11 horas ao día, de luns a sábado). Desta forma, e a pesar de todos os problemas provocados polo tempo, estanse cumprindo os prazos de execución das obras, de forma que o Campionato de Europa de Augas Tranquilas poderase desenvolver sen ningún tipo de problemas.
Á visita asistiron, co director xeral para o Deporte, Santiago Domínguez Olveira, o alcalde da capital, Miguel Anxo Lores e o arquitecto responsábel do proxecto, José Ramón Garitaonaindía de Vera, quen foi o encargado de explicar o proxecto e como van as obras do complexo, que se atopan moi avanzadas.
O remate das obras está previsto para comezos do mes de maio e antes da celebración do Europeo, organizarase o Campionato de España de Piragüismo que aínda non ten data definitiva pero que será un test importante de cara ao Europeo do próximo verán.
Características técnicas. As edificacións do centro de piragüismo organízanse en tres módulos que acollen o programa. No primeiro módulo, cunha superficie total construída de 1.100 metros cadrados, inclúese a recepción do complexo, unha zona destinada a tenda, cafetería e aseos do público. Ademais, atópanse as oficinas das instalacións e o acceso á torre de control, no que tamén se situarán os medios de comunicación e os xuíces que deben seguir as probas.
No segundo módulo, colocarase o ximnasio, coas diferentes salas de actividades e espazos asociados (hangares para as embarcacións), mentres que no terceiro figuran os vestiarios dos deportistas, coas zonas de duchas e aseos. O custo total desta segunda fase é de algo máis de tres millóns de euros en total, se ben, ata agora xa se comprometeron máis de seis millóns de euros nesta instalación, que será o centro do piragüismo galego, segundo recoñeceu hoxe o director xeral para o Deporte. Debe ser a instalación de referencia polo investimento realizado e ademais parece o complemento ideal para o Centro de Tecnificación Deportiva de Pontevedra.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
