martes, 11 de agosto de 2026
O ciclista cántabro Isidro Nozal está a punto de converterse nun novo corredor do Karpin Galicia. A fichaxe de Nozal é toda unha sorpresa, xa que o equipo galego dera por pechado o capítulo de fichaxes, pero ao xurdir esta posibilidade, nin Valeri Karpin ni Álvaro Pino quixeron deixar escapar a ocasión de fichar a un ciclista cun moi bo currículo profesional e decidiron facer un importante esforzo para mellorar o equipo.
Na súa carreira profesional destaca de forma especial a magnífica Vuelta a Espana 2003, na que estivo a punto de gañar, aínda que ao final tivo que conformarse co segundo posto tras Roberto Heras. Ademais tamén conta cunha vitoria de etapa no Tour de Francia.
Nozal estivo no Liberty Seguros e no Astana e foi compañeiro de Marcos Serrano, polo que non terá moitos problemas para aclimatarse ao seu novo equipo, no que comeza unha andadura moi ilusionante. O director técnico do Karpin Galicia, Álvaro Pino, explicou que é un corredor que está no seu mellor momento profesional polo que nos pode dar moitas alegrías. Ven a reforzar ao grupo.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
