miércoles, 8 de abril de 2026
A secretaria xeral da Igualdade, Carme Adán, asinou en Santiago acordos de colaboración con 8 concellos galegos para acometer os traballos de mellora das áreas de xogo infantÃs destes municipios. Esta iniciativa enmárcase no Plan Galecer 2007-2008, que ten como obxectivo favorecer o dereito ao xogo, ao lecer e ao tempo libre da infancia en Galiza. En total, a Vicepresidencia da Xunta investirá entre 2007 e 2008 máis de 1,8 millóns de euros para poñer en marcha esta iniciativa destinada aos nenos e nenas de toda Galiza.
Os acordos asinados suporán un investimento de 78.000 euros por parte da Vicepresidencia da Xunta. Por provincias, os concellos coruñeses de Porto do Son e Pobra do Caramiñal recibirán 9.000 euros cada un, mentres que Ames levará 12.000 euros. Pola súa banda, os municipios pontevedreses de Silleda, Vilanova de Arousa e Campo Lameiro disporán de 7.500 euros cada un para mellorar os seus espazos de xogo, a mesma cifra que recibirá o concello lucense da Fonsagrada para esta iniciativa. Asemade, o municipio pontevedrés de Moraña contará cunha axuda económica de 18.000 euros.
O programa de creación, mellora e adaptación das áreas de xogo infantÃs da Vicepresidencia da Xunta suporá a instalación de novas infraestruturas de xogo en 20 concellos de Galiza e melloras e adaptacións noutros 172 concellos. AsÃ, a Vicepresidencia investirá 583.200 euros na creación de novas áreas de xogo en catro municipios da provincia da Coruña e na mellora destes espazos situados noutros 58 concellos. Na provincia de Lugo está previsto crear novas áreas de xogo en tres concellos, mentres que noutros 30 procederase á mellora das xa existentes. Estas actuacións suporán un investimento de 284.453 euros. A través do Plan Galecer outros 11 municipios da provincia de Ourense disporán de novas zonas de xogos infantÃs, ao tempo que se realizarán melloras e adaptacións nas áreas de 47 concellos máis, o que terá un custo global de 565.500 euros. Pola súa banda, a Vicepresidencia investirá 370.500 euros na instalación de novas áreas de xogo en dous concellos de Pontevedra e na mellora das xa existentes noutros 37 municipios desta provincia.
O Plan Galecer 2007-2008, que ten como finalidade traballar na ampliación e optimización das 1.454 áreas de xogo existentes actualmente en Galiza, suporá un importante avance no acceso ás alternativas de lecer para 120.000 nenos e nenas de 0 a 12 anos de idade. AsÃ, buscarase implantar un conxunto equilibrado de infraestruturas de calidade en todo o territorio e a mellora do benestar e a calidade de vida dos galegos e galegas, con especial atención aos concellos rurais e con importante dispersión poboacional.
O Carballo Interplay desenvolverá do 16 ao 19 de abril no Mercado de Carballo a súa 13ª edición cun programa de 32 actividades arredor da creación dixital contemporánea, das series en pequeno formato, a cultura de internet e a reflexión sobre os novos modos de comunicar na rede. O certame reforza especialmente este ano a presenza do galego como lingua de creación, conversa e pensamento no ecosistema dixital, cunha programación especÃfica arredor dos contidos no noso idioma nas redes sociais, accións formativas para a mocidade, premios dirixidos a recoñecer o talento que crea na nosa lingua e novas oportunidades para a produción de proxectos audiovisuais nados no ámbito dixital.
A Cidade da Cultura celebrará o DÃa do Circo o vindeiro 19 de abril co espectáculo 'Sen patrón', da compañÃa galega Pistacatro, recoñecida co Premio Nacional 2025 desta disciplina artÃstica. A proposta terá lugar no XardÃn do Teatro, ás 17,00 horas, con entrada libre e de balde. AsÃ, o DÃa do Circo convértese nun momento para celebrar tamén a chegada da primavera cunha proposta escénica aberta, festiva e accesible para todo tipo de públicos, que combina cabaré, números aéreos e malabares cunha dramaturxia que reivindica tanto técnicas circenses tradicionais como contemporáneas. Pistacatro é unha das compañÃas e produtoras de circo máis relevantes das artes vivas de Galicia, que traballa a prol da profesionalización do circo na Comunidade, impulsando as carreiras de artistas e traballadores do sector.
