viernes, 6 de noviembre de 2026
Agardábase moita espectación e cheo no pavillón municipal de Vista Alegre de Burela e a afección non decepcionou. Na final que esta tarde de sábado enfrontou a Azkar Lugo e Lobelle de Santiago, os lugueses leváronse a vitoria na tanda de penaltis, despois dun empate de 3-3
O Azkar Lugo fíxose esta tarde de sábado coa XVII Copa Xunta de Fútbol sala cuxa final se disputou en Burela. O partido estivo cheo de rivalidade e dalgúns momentos de tensión cun marcador que se resistía a abandonar os empates.
Finalmente, e cun 3-3, houbo que ir á quenda de penaltis, onde os de Lugo tiveron máis atino.
O director xeral para o Deporte, Santiago Domínguez, foi o encargado de entregarlle a Copa aos vencedores.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
