miércoles, 14 de mayo de 2025
Cun investimento de 34.408, a Dirección Xeral de Patrimonio Cultural da Consellería de Cultura e Deporte vai restaurar catro cruceiros e un peto de ánimas da provincia de Lugo, antes de que remate o presente ano.
Estes elementos patrimoniais, que sufriron danos en accidente ou desgastes ó longo do tempo, son:
Cruceiros:
Saavedra (Begonte). Reconstrución. Custo: 5.568
Castelo (Taboada). Restauración. 5.800
Amoexa (Antas de Ulla). Reconstrución. 10.440
Ludrio (Castro de Rei). Cruz de Sumedo. Reconstrución. 4.640
Peto de ánimas:
Trasar de Carballo (Carballedo). Restauración. 6.960 .
Os traballos están xa sendo efectuados pola empresa especializada Tau Restauración, de Santiago de Compostela.
A cidade da Coruña acolle do 16 ao 24 de maio o Galicia Design Week, festival dedicado ao deseño e de referencia neste ámbito para todo o noroeste peninsular, que desenvolve a súa sexta edición para promover e difundir a creación galega e internacional do sector. O encontro, codirixido por Marta González Rivas e Álex Rico Caramés, e que forma parte da prestixiosa organización World Design Weeks, ofrece unha ampla programación con acceso gratuíto a un total de 21 actividades. Coloquios, exposicións, sesións musicais e gastronomía conforman unha proposta na que o obxectivo é poñer en valor un eido creativo de gran potencial e transversalidade, entre a creación cultural e a produción industrial.
As 105.378 doazóns de sangue do ano pasado supoñen 1.853 máis que no 2023, representando un incremento de preto dun 2 %. O incremento producido nas doazóns de sangue permite elevar un punto máis a taxa global galega, pasando de 38 a 39 doazóns por cada 1.000 habitantes e ano, situando á nosa comunidade entre as que contan cun nivel máis alto de participación en todo o Estado, manténdose ao redor dos tres puntos por riba da media nacional. Outro dato moi positivo é o feito de que o pasado ano 8.931 persoas doaron sangue por primeira vez.
