martes, 11 de agosto de 2026
A Conselleira de Pesca e Asuntos Marítimos, acompañada do secretario xeral do seu departamento e da directora xeral de Innovación e Desenvolvemento Pesqueiro, continúa coa súa primeira viaxe oficial a Namibia. No marco desta visita, Carmen Gallego tivo a oportunidade de manter unha xuntanza cos representantes das empresas galegas con intereses neste país africano, en concreto na localidade de Walvis Bay, e coñecer as instalacións dalgunhas delas.
No ámbito do encontro, Carmen Gallego comunicoulles aos empresarios galegos o interese do seu departamento e do Goberno autonómico en fortalecer as relacións bilaterais entre Galicia e Namibia, xa que ámbolos dous países están a desenvolver múltiples proxectos de colaboración en materia de investigación, formación, seguridade alimentaria ou acuicultura.
A titular de Pesca insistiu de novo no empeño do seu departamento en formar parte dos traballos de prospección dos caladoiros namibianos, xa que estas investigacións son moi importantes para as industrias galegas radicadas neste país. Asimesmo, Carmen Gallego fixo especial fincapé na necesidade de fomentar o consumo de peixe entre a poboación local, algo ao que comprometeu o seu apoio perante o Primeiro Ministro, Nahas Angula, coa realización de campañas de promoción.
Pola súa banda, os empresarios galegos comunicáronlle á Conselleira a situación na que se atopan tras a reanudación da actividade, despois do paro biolóxico da pescada neste caladoiro durante o pasado mes de outubro. Así, os representantes galegos explicaron o grande esforzo que fixeron para poder facerse cargo dos salarios dos seus traballadores durante o tempo que durou a veda e manifestaron a súa pretensión de acadar unha estabilidade cos negocios que manteñen en Namibia.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
