martes, 11 de agosto de 2026
A asociación “A golpe de pedal” presentou en Vigo a "Gran Biciletada", unha marcha ciclista que o domingo 12 de novembro se celebra ás 11.00 h, simultaneamente en máis de 20 cidades do Estado, entre elas Vigo. O director xeral para o Deporte estivo na presentación e felicitou a A Golpe de Pedal polo seu traballo e "por ser ese azoute continuo e constante sobre as administracións para lembrarnos a responsabilidade de loitar por acadar unha cidade moito máis sa".
DomÃnguez Olveira anunciou no transcurso da presentación que a comezos do novo ano a Dirección Xeral para o Deporte vai encargar un estudo das sete grandes cidades galegas para ver a posibilidade de utilización das bicicletas neses municipios. Con este estudo como base, a Dirección Xeral analizará a posibilidade de crear zonas de carril-bici nas áreas máis axeitadas de cada cidade.
A fin de promover esta tendencia que anime á práctica da bicicleta, tamén se prevé a creación dunha liña de axudas con este fin, dirixidas aos concellos.
A marcha de Vigo parte ás 11.00 da mañá con saÃda e chegada da praza de América.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañÃas galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos tÃteres, presentada por Viravolta, Vai de Roda e TÃteres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
