Notas de prensa

Tres xeracións de artesáns e músicos inauguran unha impresionante web sobre o mundo da gaita

A familia Seivane atesoura unha longa traxectoria na recuperación, consolidación e promoción da música popular galega e da gaita, sendo na actualidade o obradoiro máis importante,
non só pola cantidade de unidades producidas, senón tamén pola súa calidade, unánimemente recoñecida nos ambentes musicais de Galicia.

O Obradoiro de Gaitas Seivane da un paso fundamental de cara a súa consolidación como primeiro productor de gaitas de Galicia, lanzándose a promoción exterior con proxección de futuro ó incorporarse de forma decidida á Sociedade da Información.

A súa nova páxina marca un punto de inflexión na presenza en internet dos fabricantes de gaitas.

Os aspectos que destacan na nova web son:

- Deseño elegante cun claro enfoque cara a facilidade de navegación.
- Unha vocación exportadora, ó presentar a páxina en catro idiomas: inglés, francés, castelán e galego.
- Exhaustiva presentación da empresa: a súa historia, as persoas, as instalacións e os procesos de produción.
- Un centro de documentación sobre a gaita galega con imáxes históricas, manual de emprego e consellos prácticos, módulo interactivo das posicións de dixitazación e un espazo de descarga de temas tradicionais con sons e partituras.
- Unha completísima mostra dos productos que o obradoiro elabora acompañados dunha detallada información.
- Un espazo de comercio electrónico dende o que se pode adquirir as gaitas, o Seipal e o resto de complementos que o Obradoiro produce.

A función máis descatada e innovadora da páxina a nivel mundial é, sen dúbida, a creación de un Configurador de Instrumentos. Con el, o usuario pode crear a súa propia gaita a medida e personalizala según os seus gustos entre os centos de opcións que o Obradoiro de Gaitas Seivane ofrece aos gaiteiros de todo o mundo.

A través de sinxelos pasos, o visitante vai elexindo as diversas opcións: tonalidade, madeira, elementos sonoros, anelado, tipo e grabado do anelas, clase e decoración da funda, texto de persoalización e estatura do gaiteiro. En cada momento, o usuario vai coñecendo o prezo da gaita que está configurando e, no paso final, mostrase unha fotografía de extraordinaria calidade do instrumento que acaba de configurar.

Este sistema, permite comprar ese producto ou retroceder nos pasos necesarios para configurar un novo modelo e xerar a súa fotografía.

Con esta importante iniciativa, o Obradorio de Gaitas Seivane pon de manifesto a potencialidade das micro-empresas artesanais galegas e o seu progreso equilibrado que, sen renunciar á autenticidade do traballo artesanal, ocupan un lugar relevante na producción de maior calidade, creatividade e innovación de Galicia.

www.seivane.es