miércoles, 12 de agosto de 2026
O secretario xeral de Emigración, Manuel Luís Rodríguez, e o vicerreitor de Cultura da Universidade de Santiago (USC), Elías Torres Feijoo, reuníronse para valorar a execución dos convenios asinados en 2006, e acordar que o vindeiro ano a relación mantida entre a Secretaría de Emigración e a USC se vexa intensificada. A primeira toma de contacto mantida hoxe de cara a avaliar os campos de traballo que se desenvolverán conxuntamente en 2007, permitirá que no mes de decembro se concreten e definen os eidos de estudo nos que a universidade efectuará as accións conveniadas con Emigración.
No presente ano, a colaboración entre Emigración e a USC concretouse en catro convenios, para o desenvolvemento de programas dirixidos á integración efectiva dos inmigrantes en Galicia; para propiciar a atención integral de acollida, información, orientación e asesoramento a fillos e netos de españois de orixe que sexan beneficiarios do visado de busca de emprego; para a informatización dos datos rexistrais das persoas físicas procedentes do Concello de Santiago contidos no Arquivo Histórico da USE, coa fin de facilitar aos emigrantes e aos seus descendentes a busca das súas orixes; e para desenvolvemento dun centro de documentación e de estudo especializado no ámbito da emigración, en soporte dixital, que incorpore unha base de datos de presenza dos galegos no exterior.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
