domingo, 18 de mayo de 2025
Santiago, Xoves 5 de outubro de 2006.- FADEMGA Feaps Galicia desconvoca as mobilizacións previstas para hoxe ás 11 da mañá na sede da Xunta de Galicia en Santiago de Compostela, logo que o Director Xeral de Acción Social, D. Bieito Seara Formoso, remitira un fax á Federación aceptando recibir aos seus representantes antes do 19 deste mes. Os representantes da Federación galega entenden que a Xunta da un paso ao sentarse a negociar.
O aprazamento das mobilizacións tamén está motivado pola intervención do Gabinete de Presidencia da Xunta de Galicia, ao aceptar recibir no día de hoxe ás 13.00 horas o Secretario Xeral da Presidencia aos representantes de Fademga Feaps Galicia na sede da Xunta para escoitar as súas reivindicacións.
O Secretario Xeral comprométese a negociar e a dialogar. Fademga Feaps Galicia espera que neste encontro a Xunta conteste aos puntos nos que pide información como son: O presente e futuro para o financiamento de Centros e Servizos e a estabilidade do sistema de financiamento.
A homologación e acreditación de centros e a carteira de servizos sociais; así como a actualización de módulos ata a media nacional.
Os plans de inversións do sector no referente á Acreditación e Homologación de Centros, obras, centros novos, etc.. Cofinanciación con outras Entidades como Fundación Once. Tamén os Criterios de distribución en ditos Plans.
A Situación do colectivo ante a actual previsión de desenrolo da Lei de Autonomía Persoal e Atención á Depedencia.
FADEMGA considera aprazadas as mobilizacións, non suspendidas, á espera de que estes puntos nos que pide aclaracións sexas resoltos. Os representanes da Federación atenderán aos medios unha vez concluida a reunión co Secretario Xeral na sede da Xunta.
O ciclo de concertos Orballo Cultural vén de presentar a súa edición 2025, que se celebrará entre os meses de maio a setembro. Este ciclo propón levar ata distintas localidades da xeografía galega, concretamente aos concellos de Estrada, Tomiño, O Porriño, Ribadavia, Muxía, Noia, Ferrol e Sanxenxo, a artistas da escena musical galega. Entre os nomes xa confirmados están Xabier Díaz & Adufeiras de Salitre, Su Garrido Pombo, Herdeiros da Crus ou The Limboos. O ciclo Orballo Cultural busca unir a variada oferta musical de Galicia co patrimonio cultural e natural de distintas localidades, de tal modo que se pon en valor a rica variedade de opcións turísticas da comunidade. Ademais, integra a gastronomía e a artesanía como valores engadidos, nunha proposta que quere apostar pola sostibilidade e a igualdade.
A exposición afonda na realidade das cantareiras dende o século XVIII ata os nosos días. Daquelas, as mulleres das aldeas tocaban por pura necesidade, xa que non había outra maneira de escoitar música ca creándoa. Frei Rosendo Salvado e Rosalía de Castro xa se interesaron no seu tempo polas cantigas populares galegas considerándoas 'pura poesía, sen artificio' a pesar de estar nunha lingua diferente da oficial e proviren de mulleres labregas, de clase baixa. Rosalía foi, de feito, quen máis se identificou con esa literatura, empatizando co sentimento do pobo e levándoo ás altas esferas da época. A mostra tamén recolle, a través de varios documentos, o interese de persoas estranxeiras como Dorothé Schubarth, Alan Lomax ou Gustav Henningsen pola nosa tradición.
