miércoles, 12 de agosto de 2026
Resaltar as actuacións dirixidas a apoiar e axudar ás mulleres que sofren violencia de xénero é o obxectivo do premio Eu tamén navegar: para unha Galicia sen violencia de xénero, que por primeira vez convoca a Vicepresidencia da Xunta. Esta distinción pretende estimular esforzos e recoñecer as traxectorias de persoas ou entidades que teñan contribuído a previr, denunciar ou combater estas situacións, desenvolvendo un labor relevante o ámbito da loita contra esta lacra social.
A este galardón honorífico poderán optar persoas maiores de idade, colectivos, entidades ou institucións, tanto públicas coma privadas. As candidaturas serán propostas polos membros do xurado, por iniciativa propia das persoas ou entidades ou ben a proposta de terceiros. As solicitudes remitiranse mediante instancia (DOG, venres 22 de setembro de 2006) dirixida á Secretaría Xeral da Igualdade antes do 30 de outubro de 2006.
A entrega do premio Eu tamén navegar ten lugar en novembro, tendo en conta que o día 25 dese mes se conmemora o Día Internacional da Eliminación da Violencia contra as Mulleres.
A violencia que nas súas distintas formas se exerce contra as mulleres supón un serio atentado contra a dignidade e a integridade física, psíquica e moral destas e, en consecuencia, unha grave e intolerable violación dos dereitos humanos. Esta violencia non só destrúe vidas, senón que tamén socava o desenvolvemento e o progreso das nacións, e está claramente fundamentada nas condicións estruturais que reproducen a desigualdade entre os xéneros, de aí a importancia de iniciativas coma este premio que contribúan a concienciar á sociedade sobre este problema.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
