miércoles, 12 de agosto de 2026
Señor Don Adolfo Gacio, Alcalde do Concello e Presidente do Partido Popular
de Boqueixón:
Os abaixo asinantes, veciños de Boqueixón afectados polo tren de alta
velocidade, alarmados e defraudados polo cambio de postura de vostedes,
pedimos ó noso alcalde e ó Partido Popular de Boqueixón que nos volvan a
axudar fronte a teima economicamente interesada de Villar Mir que, sen que
nós lle fixesemos nada, segue ano tras ano querendo botar o tren enriba de
nós.
Queremos que saiban que a pequena variante da que fala Ramsa é, en
verdade, o famoso trazado pantasma que parte en dous as parroquias de
Codeso, Orto e A Granxa, derribando unhas casas e expulsando das restantes
(sen indemnización) ós veciños de Souto do Gafo, Orto, Reboredo, Ardilleiro
Pequeno, Ardilleiro Grande..., que non poderíamos vivir pegados a un tren
que xa non iría en túnel e trincheira, como agora, senón en superficie á
altura ou por riba das nosas casas, facendo un ruído e unhas vibracións do
demo, polo día e pola noite, imposibles de aturar.
Solicitamos pola presente ó presidente da corporación municipal de
Boqueixón, e a todos os partidos alí presentes, a convocatoria urxente dun
pleno extraordinario onde os representantes da nosa Coordinadora de
Afectados teñan a posibilidade de intervir, igual que se lles permitiu ós de
Ramsa o pasado 7 de setembro, co fin de que o Concello de Boqueixón confirme
unha vez máis as anteriores posturas por unanimidade de respaldo ós veciños
e ó trazado oficial, que non supón perigo algún para os postos de traballo
pois consta ben clariño na Xunta de Galicia que esta mina ten cuarzo para
outros 90 anos, para a nosa desgracia porque está destruíndo a serra sen
deixar nada no noso concello. Demandamos que nesta renovada moción que
pedimos do Concello de Boqueixón, amparando ós seus veciños, esíxase o pago
das expropiacións de terras xa feitas así como que comecen de inmediato as
obras do túnel co máximo respecto ás nosas augas, pistas, campos e casas.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
