miércoles, 29 de abril de 2026
A conselleira de Pesca e Asuntos Marítimos, Carmen Gallego; o director xeral de Recursos Mariños, Francisco Fernández Cortés; e a directora xeral de Innovación e Desenvolvemento Pesqueiro, Fátima Linares, acompañaron hoxe a José Ramón Val Alonso na toma de posesión do seu posto como delegado territorial da Consellería de Pesca en Lugo. O acto, no que o novo delegado prometeu o seu cargo, tivo lugar no departamento de Pesca da Xunta de Galicia.
Biografía
Val Alonso naceu en Foz (Lugo) no ano 1980 e é Licenciado en Ciencias Políticas e da Administración pola Universidade de Santiago de Compostela, especializándose en Economía Pesqueira no curso de postgrao que fixo tamén na Universidade compostelana.
Na actualidade traballaba en Reymogasa, desenvolvendo a función de especialista.
Foron presentadas as xornadas Galicia Biodays, que buscan posicionar Galicia como un territorio de referencia en innovación biotecnolóxica no ámbito internacional. Este evento vaise celebrar os días 6 e 7 de maio no Auditorio Mar de Vigo, e permitirá reforzar a marca Galicia Calidade en biotecnoloxía, fomentar o intercambio de coñecemento e establecer novas colaboracións científicas, empresariais e institucionais. Está previsto que asistan máis de 1000 persoas de 9 biorrexións convidadas, con máis de 130 relatores.
Alfonso Rueda informou de que o Consello deu conta do inicio da tramitación do anteproxecto da que será 'a primeira Lei do terceiro sector da acción social de Galicia'. Unha norma que busca 'unificar nun único texto legal a regulación deste eido e recoñecer de xeito formal o seu traballo e o papel que xogan as entidades na sociedade galega'. A necesidade de aprobar esta lei xustifícase na importante presenza destas entidades en Galicia, preto de 1.500, -que constitúen 'unha auténtica rede de solidariedade', segundo resaltou a conselleira de Política Social e Igualdade, Fabiola García-, para apoiar as persoas e fogares máis vulnerables.
