lunes, 19 de mayo de 2025
O presidente da Xunta, Emilio Pérez Touriño, mantivo unha xuntanza no seu despacho de Monte Pío coa vicepresidenta do Goberno cántabro, Dolores Gorostiaga Saiz, con quen tivo ocasión de analizar asuntos de interese común para os dous gobernos.
Tras a xuntanza, Pérez Touriño destacou que a relación xubilar fai máis intensos aínda os lazos entre Galicia e Cantabria. Esta comunidade , ao igual que Galicia, conta co seu propio Ano Santo. Trátase do Ano Santo Lebaniego que se celebra na comunidade cántabra cando a festa de Santo Toribio coincide en domingo, como aconteceu este ano.
En Cantabria, residen na actualidade, segundo datos do Instituto Nacional de Estatística, un total de 4.310 galegos, que se atopan, tal e como explicou Gorostiaga a Touriño, perfectamente inseridos na sociedade cántabra. Así, institucións sobranceiras como o Centro Galego de Santander actúan como centros vertebradores da galeguidade nesta Comunidade Autónoma.
Touriño e Gorostiaga destacan a boa relación entre Cantabria e Galicia, con dous Gobernos que se ocupan intensamente das persoas. O presidente galego e máis a vicepresidenta de Cantabria gabaron ademais o compromiso do Goberno de España e de José Luís Rodríguez Zapatero co desenvolvemento do noroeste que non son só palabras senón que están sendo feitos, orzamentos, obras, inversións e compromisos que se cumpren.
Autovía do Cantábrico
Neste sentido, Gorostiaga explicou que a Autovía do Cantábrico será un eixo vertebrador fundamental dos territorios da cornixa, permitindo un fluxo sen precedentes de intercambios persoais, económicos e de toda índole.
Así, ambos os mandatarios sinalaron que os Presupostos Xerais do Estado para o 2007 prevén 21 millóns de eruos co único tramo, o tramo Solares-Torrelavega, que queda por executar en Cantabria.
Visita a Galicia de Gorostiaga
A vicepresidenta do Goberno cántabro, Dolores Gorostiaga Sanz, explicou ao presidente da Xunta que ten previsto participar mesmo nunha xornada de traballo organizada polo Goberno galego para analizar o papel das Comunidades Autónomas nos 20 anos de España na Unión Europea. Gorostiaga, ademais da Vicepresidencia do Goberno cántabro, é conselleira de Relacións Institucionais e Asuntos Europeos dese Executivo.
Esta xornada de traballo, promovida pola Secretaría Xeral de Relacións Exteriores, reunirá na Illa da Toxa máis de sesenta representantes da Administración Xeral do Estado e de distintos gobernos autonómicos, enmárcase dentro das actividades de conmemoración do vinte aniversario da adhesión de España á UE.
O ciclo de concertos Orballo Cultural vén de presentar a súa edición 2025, que se celebrará entre os meses de maio a setembro. Este ciclo propón levar ata distintas localidades da xeografía galega, concretamente aos concellos de Estrada, Tomiño, O Porriño, Ribadavia, Muxía, Noia, Ferrol e Sanxenxo, a artistas da escena musical galega. Entre os nomes xa confirmados están Xabier Díaz & Adufeiras de Salitre, Su Garrido Pombo, Herdeiros da Crus ou The Limboos. O ciclo Orballo Cultural busca unir a variada oferta musical de Galicia co patrimonio cultural e natural de distintas localidades, de tal modo que se pon en valor a rica variedade de opcións turísticas da comunidade. Ademais, integra a gastronomía e a artesanía como valores engadidos, nunha proposta que quere apostar pola sostibilidade e a igualdade.
A exposición afonda na realidade das cantareiras dende o século XVIII ata os nosos días. Daquelas, as mulleres das aldeas tocaban por pura necesidade, xa que non había outra maneira de escoitar música ca creándoa. Frei Rosendo Salvado e Rosalía de Castro xa se interesaron no seu tempo polas cantigas populares galegas considerándoas 'pura poesía, sen artificio' a pesar de estar nunha lingua diferente da oficial e proviren de mulleres labregas, de clase baixa. Rosalía foi, de feito, quen máis se identificou con esa literatura, empatizando co sentimento do pobo e levándoo ás altas esferas da época. A mostra tamén recolle, a través de varios documentos, o interese de persoas estranxeiras como Dorothé Schubarth, Alan Lomax ou Gustav Henningsen pola nosa tradición.
