miércoles, 12 de agosto de 2026
Matarile Teatro créase en Santiago no ano 1986. Desde entón desenvolveu unha linguaxe propia, un teatro onde o texto literario é un elemento máis na fusión das distintas linguaxes escénicas que conforman un teatro de creación. Un teatro que se arreda dos personaxes para reflectir as persoas que somos e a vida que vivimos, un teatro da suxestión que comunica directamente co espectador por medio do movemento, a palabra, a ironía, o humor, a complicidade e a imaxe.
Puxo en escena 23 espectáculos, numerosas performances e colaboracións con outras compañías. Presentou os seus espectáculos en Francia, Portugal, USA, Inglaterra, Iugoslavia, Italia e Alemaña.
Actuaciones confirmadas para a tempada outono-inverno 06/07:
Historia Natural (eloxio do entusiasmo)
18 de outubro 06 - XXVI Festival de Teatro Les Translatines - Bayonne (Francia)
26 de outubro 06 - XXXII Festival Internacional de Teatro de Vitoria-Gasteiz - Vitoria-Gasteiz
28 de outubro 06 - Teatro Principal - Ourense
1 e 2 de decembro 06 - Teatro Cánovas - Malaga
9 e 10 de febreiro 07 - Teatro Central - Sevilla
ESTREA do próximo espectáculo de MATARILE TEATRO truenos y misterios
1 ó 4 de febreiro 07 - Festival Escena Contemporánea - Madrid
Historia Natural (eloxio do entusiasmo) foi estreado o 16 de xaneiro de 2005 no Teatro Principal de Santiago de Compostela recibiu o Premio do Público ao Mellor Espectáculo da XIII Feira do Teatro de Galicia e o Premio ó Espectáculo Máis Orixinal e Innovador do Festival Internacional de Teatroyartesdecalle TAC de Valladolid e ademáis o Premio María Casares á Mellor Iluminación do Teatro Galego 06.
Actuacións máis importantes realizadas con Historia Natural (eloxio do entusiasmo):
XIII Feira do Teatro de Galicia (Compostela)
VI e VII Festival Internacional de Teatro y Artes de Calle (Valladolid)
X Festival do Eixo Atlántico FESTEIXO (Viana do Castelo - Portugal)
XXVIII Festival Internacional de Teatro de Expressão Ibérica FITEI (Oporto - Portugal)
25ª edició Fira de Teatre al Carrer de Tárrega (Tárrega)
Teatro de La Abadía (Madrid)
BAD 7º Festival de Teatro y Danza Contemporánea (Bilbo)
XVI Muestra Internacional de Teatro Contemporáneo (Santander)
Gran Teatro Falla (Cádiz)
IV Festival VEO Vàlencia Escena Oberta (Valencia)
Festival Teatro Gayarre (Pamplona)
11º Festival Internacional En Pé de Pedra (Compostela)
Historia Natural reúne teatro, danza e música en directo e está integrado por once intérpretes (6 actores, 2 bailaríns e 3 músicos) de distintas procedencias: Galicia, Madrid, Alemaña e Canarias. Con dirección e textos de Ana Vallés, citas de Peter Handke e o espazo e a iluminación de Baltasar Patiño.
Actores - bailaríns - músicos: Daniel Abreu, Helen Bertels, Dominik Borucki, Antón Coucheiro, Roberto Leal, Marta Pazos, Emma Silva, Sergio Zearreta; frauta - Luis Soto, André Cebrián; tuba - Hugo Portas, Plablo Emilio; trompeta - Ramón Llatser, Eliseo Penín
Produce: Matarile Teatro - teatro galán
Coproducen: IGAEM, INAEM, Concello de Santiago
Colaboran: Padroado da Cultura Concello de Narón, Fest. Int. Teatroyartesdecalle TAC (Valladolid)
As descricións dunha historia natural e o entusiasmo como perseveranza do sentimento.
A ollada do que contempla o público desde o refuxio da privacidade. E ao revés: o xuízo social do acontecemento privado. ¿Onde remata o espazo público e comeza o privado?
A saudade continua dunha paisaxe perdida, dun espazo vital descoñecido pero sempre buscado. A eterna esperanza de crer que todo pode ser diferente se cambia a paisaxe, o noso espazo, cando o bosque avance.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
