sábado, 7 de noviembre de 2026
O vicepresidente da Xunta, Anxo Quintana, anunciou a construción de 10 galescolas e 8 centros de dÃa a comezos do próximo ano como primeiras actuacións que desenvolverá o Consorcio Galego de Servizos de Igualdade e Benestar e que suporán a creación de 200 novos postos de traballo. Quintana fixo estas declaracións no marco dunha xornada informativa en Santiago de Compostela na que se presentaron as liñas da SecretarÃa Xeral do Benestar aos profesionais dos servizos sociais galegos.
O vicepresidente explicou aos profesionais este novo mecanismo de xestión que permitirá facilitar o desenvolvemento dos recursos nas áreas de igualdade e benestar, a asegurou que o Consorcio vai garantir a responsabilidade pública e a cooperación interadministrativa na prestación dos servizos sociais, establecendo un sistema de colaboración estable entre a Xunta e os concellos. Neste senso, asegurou que vai permitir cambiar o modelo anterior de prestación dos servizos e facer fronte ás súas deficiencias: oferta insuficiente, carácter fragmentario e descontinuo na xestión e cobertura territorial, e falla de mecanismos efectivos de coordinación entre os sistemas de protección social.
Anxo Quintana tamén aludiu, entre os novos mecanismos de xestión que está a poñer en marcha o seu departamento, á Sociedade Galega de Servizos Sociais (Sogaserso), participada pola Xunta e polas principais caixas de aforros galegas, que fará posible a creación de cinco novas residencias de ámbito comarcal.
Mapa de servizos
Entre as liñas que está a desenvolver a SecretarÃa Xeral do Benestar, o vicepresidente presentou tamén o documento preliminar do que será o primeiro mapa de servizos sociais de Galiza. Segundo dixo, nel apóstase por unha demarcación territorial lóxica e coherente que permita atender as especificidades territoriais e posibilite situar os equipamentos máis axeitados onde realmente se precisan.
Inclusión social
Ao respecto doutras actuacións prioritarias, fixo referencia ao novo Plan de Inclusión Social para loitar contra a pobreza e a exclusión e adiantou a posta en marcha o próximo ano de 21 equipos de atención nas zonas máis castigadas pola pobreza e o desemprego, reforzando especialmente a atención ás mulleres. Nesta liña, citou ademais a atención en situacións de emerxencia a persoas sen fogar e á modificación da lei RISGA (Renda de Integración Social de Galicia) para convertela nun verdadeiro instrumento para a normalización da vida das persoas.
Entre as medidas nas que se traballa, está tamén a posta en marcha dunha liña de inserción laboral destinada ás persoas discapacitadas, ás minorÃas étnicas e á mocidade galega, tanto no medio urbano coma no rural.
Compromiso co benestar
Quintana lembrou que o seu departamento asumiu dende o primeiro momento o reto de levar a cabo a revolución tranquila do Benestar como mellor mostra do seu compromiso de paÃs, porque “a través das polÃticas de benestar tamén se fai paÃs”. O vicepresidente lembrou que “un ano despois as bases desta revolución tranquila no eido social están establecidas”.
Amosouse convencido de que “as galegas e os galegos son cada vez máis conscientes de que un maior autogoberno implica un mellor goberno, máis recursos e oportunidades para unha sociedade máis xusta e equitativa”. AsÃ, engadiu que as polÃticas de igualdade e benestar son o campo no que se pode definir unha nova relación co Estado, sen dependencias nin xerarquÃas.
Como exemplo, citou a consecución dun financiamento de 60 millóns de euros a maiores do previsto inicialmente para a aplicación da Lei de Dependencia en Galiza e que supoñen un primeiro paso para saldar a débeda histórica do Estado coa comunidade. Neste acordo, subscrito entre a Vicepresidencia e o Ministerio de Traballo asumiuse o maior custo que os servizos que prevé a norma teñen aquÃ, como consecuencia da dispersión e do envellecemento da poboación, ao tempo que se recoñeceu a competencia exclusiva en materia se servizos sociais.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas pelÃculas. Coa proxección de El pisito, de Marco Ferreri, comeza esta mesma tarde a ConsellerÃa de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardÃn de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
