lunes, 19 de mayo de 2025
O Palacete das Mendoza acolleu a formación do persoal que analizará o comercio pontevedrés. O Proxecto Mercurio, liderado pola Excma. Deputación de Pontevedra da deste xeito un paso máis en prol do comercio da provincia co inicio do Observatorio Celsius.
Coa finalidade de detectar as verdadeiras necesidades do sector e así poder establecer políticas adecuadas e estratexias efectivas, vanse realizar enquisas aos pequenos comerciantes de Pontevedra. O primeiro paso, antes de que os profesionais saian á rúa a empaparse do comercio retallista, pasa por recibir a formación precisa. A acción formativa comezou ás 9.30 e media da mañá no Palacete das Mendoza.
O día 20 de setembro comezan as enquisas en tódalas bisbarras da provincia ata o próximo 4 de Outubro. Trátase dunha primeira oleada de enquisas que será comparada con outra que terá lugar á mesma mostra en 2007 cun equipo de trinta profesionais.
Celsius englóbase dentro do Proxecto Mercurio, da iniciativa comunitaria Equal e financiado con fondos europeos, que leva un ano de andadura durante o cal se levaron a cabo diversas actividades como foros, seminarios de dinamización comercial ou cursos específicos para os traballadores do comercio retallista da provincia, coa firme intención de darlle un pulo ao comercio. Neste proxecto colaboran tamén as catro cámaras de comercio da provincia, a Confederación de Empresarios de Pontevedra, a Asociación Provincial de Empresarias e o Instituto de Desenvolvemento de Caixanova.
O ciclo de concertos Orballo Cultural vén de presentar a súa edición 2025, que se celebrará entre os meses de maio a setembro. Este ciclo propón levar ata distintas localidades da xeografía galega, concretamente aos concellos de Estrada, Tomiño, O Porriño, Ribadavia, Muxía, Noia, Ferrol e Sanxenxo, a artistas da escena musical galega. Entre os nomes xa confirmados están Xabier Díaz & Adufeiras de Salitre, Su Garrido Pombo, Herdeiros da Crus ou The Limboos. O ciclo Orballo Cultural busca unir a variada oferta musical de Galicia co patrimonio cultural e natural de distintas localidades, de tal modo que se pon en valor a rica variedade de opcións turísticas da comunidade. Ademais, integra a gastronomía e a artesanía como valores engadidos, nunha proposta que quere apostar pola sostibilidade e a igualdade.
A exposición afonda na realidade das cantareiras dende o século XVIII ata os nosos días. Daquelas, as mulleres das aldeas tocaban por pura necesidade, xa que non había outra maneira de escoitar música ca creándoa. Frei Rosendo Salvado e Rosalía de Castro xa se interesaron no seu tempo polas cantigas populares galegas considerándoas 'pura poesía, sen artificio' a pesar de estar nunha lingua diferente da oficial e proviren de mulleres labregas, de clase baixa. Rosalía foi, de feito, quen máis se identificou con esa literatura, empatizando co sentimento do pobo e levándoo ás altas esferas da época. A mostra tamén recolle, a través de varios documentos, o interese de persoas estranxeiras como Dorothé Schubarth, Alan Lomax ou Gustav Henningsen pola nosa tradición.
