miércoles, 12 de agosto de 2026
FADEMGA FEAPS GALICA (Federación de Asociacións en favor das Persoas con Discapacidade Intelectual de Galicia) e a Universidade da Coruña asinaron un Convenio de Colaboración para a realización de actividades e proxectos conxuntos. Dita colaboración levarase a cabo a través do Grupo de Investigación en Xerontoloxía da Facultade de Ciencias da Saúde (Departamento de Mediciña) que dirixe o profesor José Carlos Millán Calenti.
O Presidente de Fademga Feaps Galicia, D. Julio C Cortiñas López, e o Reitor da Universidade da Coruña, D. José María Barja Pérez, asinaron este convenio ante a presencia do Responsable do Grupo de Investigación en Xerontoloxía, D. José Carlos Millán Calenti; e do Vicepresidente de Fademga, D. Elías Palacio Verdini.
O obxectivo deste convenio é traballar conxuntamente na elaboración de proxectos de investigación e na realización de todas aquelas actividades que contribuan ao coñecemento e á mellora da calidade de vida das persoas con discapacidade intelectual. Ambas entidades traballarán conxuntamente para promover o intercambio de coñecementos científicos e culturais, así como o investigador e formativo referido ás persoas con discapacidade física e/ou intelectual.
O Convenio asinado onte contempla unha serie actividades e proxectos nos que FADEMGA e a Universidade da Coruña traballarán conxuntamente como son:
- A organización de actividades formativas dirixidas ao colectivo de persoas con discapacidade intelectual
- A aportación de persoal docente para participar na Bolsa de Docentes da Confederación Nacional de FEAPS
- A apertura de liñas de investigación e posta en marcha de proxectos sobre envellecemento e discapacidade intelectual.
- O deseño e desenvolvemento de instrumentos de valoración xerontolóxica adaptados a persoas con discapacidade intelectual en proceso de envellecemento.
- A inclusión de materias referidas á Discapacidade Intelectual e ao envellecemento dentro das ensinanzas de postgrao e doutorado en Xerontoloxía, así como a posibilidade de que os alumnos das distintas actividades do Grupo de Investigación poidan realizar as súas actividades prácticas nos centros asociados a FADEMGA.
- O asesoramento da Universidade a FADEMGA FEAPS GALICIA en cantos temas teñan que ver co envellecemento, especialmente referido ás persoas con discapacidade intelectual.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
