miércoles, 12 de agosto de 2026
O Consorcio Audiovisual de Galicia organiza os Primeiros Encontros co Cine Galego: Galicia Terra de Cine, onde se avanzarán as previsións cinematográficas. Os produtores presentarán aos medios de comunicación galegos, españois e estranxeiros a obra, xa rematada, en preprodución, produción ou montaxe. Máis de 50 especialistas en cine dos medios de comunicación daranse cita en Compostela para coñecer, da man dos seus responsables, a próxima colleita cinemátografica galega. Esta difusión permitirá axudar na promoción, coñecemento e distribución dos produtos.
Esta actividade, que se celebrará os dÃas 15 e 16 de setembro, forma parte do plan de actuación do Consorcio e pretende consolidarse coma unha cita anual en Galicia para, deste xeito, dar a coñecer a realidade do sector in situ, asà como todas as posibilidades técnicas, instalacións, profesionais ou localizacións existentes na comunidade e que non sempre son coñecidas.
Nestes primeiros encontros, o Consorcio contará cun importante elenco de produtores, directores e actores, que acompañarán as respectivas presentacións e concertarán encontros e entrevistas particulares cos medios de comunicación asistentes.
Empresas coma Continental, Filmanova, Filmax, Milou Filmes, Adivina, Formato, Voz Audiovisual, Vaca Films, entre outras, compartirán os seus proxectos cos periodistas destacados de medios como Cadena Ser, TVE, La Vanguardia, El Correo, Variety (UK), Antena 3, El PaÃs, La Razón, Screen International, Telam (Arxentina), Film-Dienst (Alemaña), Gamma (Francia), El Mundo, Onda Cero, Fotogramas, Europa Press, Imágenes ou Cine por la Red, ademais dos medios galegos interesados e directores de festivais como os de Málaga, Lleida, Las Palmas, Cineuropa ou Ourense.
Asà pois, trátase dunha cita importante do cine galego que pretende contribuir á consolidación do sector audiovisual de Galicia no entorno global. A evolución do sector audiovisual galego nas últimas dúas décadas está a supor que cada vez se fale con máis insistencia do chamado “modelo galego” baseado na existencia dun marco legal, un concepto comercial e unha estrutura cada vez máis estable. Todo iso é posible grazas ao dinamismo e capacidade dos profesionais do sector e unha importante sensibilidade e apoio dende as administracións públicas.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de EnerxÃas Renovables e Cambio Climático, Paula UrÃa. Tal e como explicou, o valor medio da temperatura máxima se situou en 29 graos, cunha anomalÃa positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, asà como persoas adestradoras ou técnicas, xuÃzas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuÃzas (16 mulleres e 13 homes) e 15 deportistas galegos de alto nivel vitalicios.
