jueves, 30 de abril de 2026
A exposición Nazón de Breogán, promovida pola Vicepresidencia da Xunta, remata a súa estancia en Santiago de Compostela -na sala de exposicións da Fundación Caixa Galicia, na compostelán Rúa do Vilar-, onde recibiu a visita de preto de 20.000 persoas. A mostra permaneceu en Santiago dende o pasado 27 de xuño, día da súa inauguración, ata hoxe domingo, día 10 de setembro. A exposición trasladarase agora ata a cidade da Coruña, onde se inaugurará no Museo de Belas Artes a finais deste mes de setembro.
Tras permanecer na Coruña durante outubro e novembro, a exposición Nazón de Breogán continuará o seu periplo polas sete grandes cidades de Galiza: no mes de decembro estará en Ourense -no Centro Cultural da Deputación-, en xaneiro e febreiro estará en Vigo, en Pontevedra permanecerá no Pazo da Cultura durante o mes de marzo, e finalmente, en xuño irá ata as cidades de Ferrol e Lugo. A finalidade é que a mostra poida ser visitada e coñecida polo maior número posible de cidadáns, algo que se conseguiu con éxito en Santiago.
Segunda versión
O éxito que tivo a mostra en Santiago fixo que a Vicepresidencia da Xunta decidira organizar un novo programa itinerante da mostra, a maiores da ruta prevista polas sete principais cidades. É unha versión máis reducida que pretende que todos os cidadáns, vivan onde vivan, poidan coñecer a mostra sen ter que achegarse ás sete grandes capitais. Esta exposición está composta por versións en tamaño reducido de todas as pezas que compoñen Nazón de Breogán, para que así poidan ter cabida e adaptarse aos distintos centros culturais de vilas e pobos de toda Galiza. Polo momento, esta segunda mostra pasou polos municipios de Cervo e Cerdido e mañá mesmo comezará a súa andaina en Arzúa.
O departamento que dirixe Anxo Quintana remitiu a todos os concellos galegos unha invitación formal a través da cal se lles ofreceu a posibilidade de acoller nos seus espazos culturais esta mostra durante un período determinado. Polo momento, son moitos os concellos que xa responderon afirmativamente a este ofrecemento, co que está garantida a itinerancia da mostra durante toda a lexislatura.
Outra das novidades previstas ao abeiro da mostra Nazón de Breogán é a distribución en colexios e institutos durante o vindeiro curso dun catálogo e de carteis das pezas que compoñen a exposición. Esta iniciativa permitirá que os escolares galegos afonden na historia de Galiza nos seus propios centros de estudo.
Historia de Galiza
Nazón de Breogán fai un percorrido pola historia do país dende as súas orixes ata o ano 1936, con motivo da conmemoración do 70 aniversario da celebración do plebiscito do Estatuto de 1936. No decurso do acto de inauguración da mostra, o vicepresidente da Xunta, Anxo Quintana, destacou que Nazón de Breogán axudará a entender de onde vimos e a definir mellor cara onde queremos avanzar. Ademais, sinalou que a mostra quere render unha homenaxe a todos aqueles galeguistas que traballaron polo autogoberno de Galiza. Outro dos obxectivos da colección é achegar ao espectador á nosa especificidade histórica e identitaria, reforzando o seu sentido de pertenza a unha comunidade singular.
A edición 2026 artéllase arredor dun formato expandido, con varias datas e localizacións ao longo da provincia, convertendo cada encontro nunha peza dun ecosistema cultural máis amplo. O 6 de xuño, en Expourense será a cita inaugural co rock lendario de Loquillo, o magnetismo vintage de Kitty, Daisy & Lewis e o fenómeno galego do momento, The Rapants. O 31 de xullo, na Praza da Veracruz do Carballiño a banda Burning, ofrecerá un concerto gratuíto; e o 4 de outubro, no Pazo de Deportes Paco Paz, o festival culminará o regreso de Luz Casal a Ourense. Loquillo, icona indiscutible do rock estatal con case cinco décadas de traxectoria, chega en plena xira do seu último traballo Corazones Legendarios, cun directo que revisita os grandes éxitos dunha carreira tan influente como extensa.
Galicia pechou o primeiro trimestre deste ano con máis poboación empregada que hai un ano. Neste sentido, os datos da Enquisa de Poboación Activa (EPA) publicados hoxe e relativos ao primeiro trimestre deste ano reflicten unha suba de 28.000 persoas ocupadas en relación ao ano pasado, lixeiramente superior á do conxunto do Estado e acadando, con 1.178.100, a cifra máis alta nun primeiro trimestre desde 2008. Ademais, a comunidade rexistra a maior taxa de emprego (49,30) nun primeiro trimestre en 18 anos e unha taxa de paro menor (8,96) que no conxunto de España (10,83). Ademais, as taxas galegas de paro feminino (9,51) e xuvenil (24,30) tamén son máis baixas que no conxunto do Estado.
