domingo, 8 de noviembre de 2026
O presidente da Xunta, Emilio Pérez Touriño, e o ministro do Interior, Alfredo Pérez Rubalcaba, anunciaron que as administracións que representan manterán distintas reunións ao longo desta semana co fin de tomar medidas urxentes en materia de seguridade viaria, para reducir a accidentalidade e a mortandade nas estradas galegas, sobre todo de cara ao vindeiro mes de agosto. Asà o acordaron durante a xuntanza mantida esta mañá, no Pazo de Raxoi, que constitúe a primeira reunión de traballo entre ambos os dous mandatarios.
“Decidimos sentarnos, porque non podemos esperar máis para tratar de poñer en marcha un conxunto de medidas para tratar de cortar esta tendencia e para atacar o fondo do problema”, sinalou o ministro do Interior, que engadiu que o obxectivo é realizar un diagnóstico “máis fino do que está a acontecer” nas estradas galegas para “poder tomar medidas de cara ao mes de agosto”. Un mes que considerou “moi importante porque a xente viaxa moito e o número de accidentes adoita ser importante tamén”.
Alfredo Pérez Rubalcaba sinalou, nesta liña, que o mércores se celebrará un seminario que abordará xustamente a sinistralidade viaria e que se van aproveitar as conclusións do mesmo para atallar este problema. “Imos aproveitar as conclusións deste seminario pero máis alá das conclusións imos traballar urxentemente as dúas administracións para tratar que nos próximos dÃas teñamos un diagnóstico máis fino do que está pasando e poidamos tomar medidas de cara o mes de agosto”, engadiu.
Problema estrutural
Tanto Emilio Pérez Touriño como o ministro do Interior coincidiron en sinalar que o problema da accidentalidade nas estradas galegas é de tipo “estrutural” xa que, segundo sinalou Alfredo Pérez Rubalcaba, “non é só un problema do carné por puntos, senón que o vimos notando desde hai dous anos”. Ao seu xuÃzo, hai “unha resistencia” na Comunidade galega “que temos que estudar” xa que mentres en todas as comunidades españolas o traballo realizado nos dous últimos anos polo Ministerio do Interior e a posta en marcha do carné por puntos ten reducido o número de falecidos nas estradas, no caso de Galicia non se ten notado unha mellora neste sentido.
“A diferenza do que está pasando no resto das Comunidade Autónomas, en Galicia –salientou Pérez Rubalcaba-, hai unha sorte de resistencia negativa a baixar a taxa, sobre todo, de mortalidade e accidentalidade nas estradas”. “Algo estrutural, polo tanto, hai en Galicia, porque non se trata solo do carné por puntos”, engadiu, lembrando que no conxunto do Estado se ten producido un descenso no número de mortos desde que entrou en vigor o carné por puntos.
Preocupación do Goberno galego
Por iso ambos os dous mandatarios avogaron por manter reunións para adoptar medidas urxentes co obxectivo de reducir a sinistralidade nas estradas galegas. Un asunto que, segundo lembrou Pérez Touriño, é prioritario para o Goberno que preside e constitúe unha cuestión “que lle preocupa moi especialmente”. De aà que o presidente do Goberno autonómico comprometera, desde un primeiro momento, a posta en marcha dun Plan de Seguridade Viaria que, segundo asegurou Touriño, “verá a luz no próximo semestre”.
Na mesma liña, o presidente galego sinalou que xa desde un primeiro momento se adoptaron medidas de cara á conservación e mantemento das estradas galegas, traballando en “permanente contacto co Ministerio do Interior”. Asemade, Pérez Touriño lembrou que a ConsellerÃa de PolÃtica Territorial e a Dirección Xeral de Tráfico están a colaborar coordinadamente para intentar atallar este problema.
Sistema de comunicacións de emerxencia
Durante a comparecencia ante os medios de comunicación, o ministro do Interior anunciou a sinatura dun convenio coa ConsellerÃa de Presidencia que permitirá “o acceso da PolicÃa adscrita á Comunidade Autónoma a un sistema de comunicacións de emerxencia” que existe a nivel estatal. Segundo asegurou Rubalcaba, trátase dun “sistema robusto e que requiriu un grande investimento” e servirá para garantir unha total coordinación entre a policÃa adscrita á Comunidade Autónoma, a PolicÃa Nacional e a Garda Civil en caso de emerxencia.
Durante a xuntanza, Emilio Pérez Touriño e o ministro do Interior tamén tiveron a oportunidade de repasar todo o que ten que ver coa loita contra os incendios, “ese gran cabalo de batalla de todos os veráns en Galicia”, en palabras do titular do Goberno galego.
Visita a Galicia
Ademais da reunión co presidente da Xunta, o ministro do Interior asistiu a outros actos na comunidade galega. Despois da visita a Santiago fixo entrega dun patrulleiro que, segundo as súas propias palabras, “permitirá garantir a seguridade nun contexto moi amplo no parque natural das Illas Atlánticas” e, posteriormente, inaugurou un cuartel da Garda Civil na cidade de Pontevedra.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas pelÃculas. Coa proxección de El pisito, de Marco Ferreri, comeza esta mesma tarde a ConsellerÃa de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardÃn de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
