miércoles, 23 de julio de 2025
Fomentar as relacións comerciais e a transferencia tecnolóxica entre Pemes do sector da acuicultura de Europa e América Latina, así como impulsar a internacionalización das empresas galegas, son os principais obxectivos do Encontro Internacional de Negocios sobre Tecnoloxías e Procesos na Acuicultura Mariña e Continental, promovido por BIC Galicia, sociedade dependente da Consellería de Economía e Facenda.
O evento, que se desenvolve no marco da II Feira Internacional de Acuicultura, ACUI 2006, funciona como un punto de encontro entre empresarios do sector acuícola a nivel internacional. Sesenta empresas de Arxentina, Chile, Honduras, Colombia, Brasil, Italia, Grecia, Bélxica e España participarán nas reunións.
As empresas interesadas en participar neste encontro empresarial internacional, que ten lugar en Vilagarcía de Arousa entre os días 6 e 7 de setembro, poden inscribirse aínda na páxina web propia do evento, www.bicgalicia.es/interacui2006.
Rondas de negocios
Estas rondas de negocios permitirán aos participantes contactar con outras pequenas e medianas empresas do sector, tanto produtores como empresas auxiliares, segundo os intereses comerciais de cada unha delas, así como negociar distintas posibilidades de cooperación técnica e comercial, servindo de ponte excepcional entre profesionais de ambos continentes. Acordos de representación de distribución, investimentos, accións de compra-venda de produtos, transferencia de tecnoloxía, acordos de produción ou alianzas estratéxicas son algúns dos negocios que se poderán xerar a través destas rondas que terán lugar no stand que BIC Galicia terá no recinto da feira. O Encontro pecharase o día 8 de setembro cunha visita técnica a empresas do sector.
A maior feira do sector a nivel internacional
Está previsto que a II Feira Internacional de Acuicultura, ACUI 2006 sirva de punto de encontro para empresarios de 36 países, converténdose na feira máis importante do sector da acuicultura a nivel internacional.
Este Encontro está promovido por C.E.E.I. Galicia, S.A. (BIC Galicia), o Igape, e a Consellería de Pesca coa colaboración de Planner&Proceltha-Aquabusiness, o CETMAR, o Clúster de Acuicultura de Galicia e o Instituto Oceanográfico de Vigo- e conta co apoio da Unión Europea a través do Programa AL-INVEST de cooperación empresarial.
O 112 Galicia rexistra os seus picos de emerxencia durante as tardes e noites de verán. Os meses estivais traen consigo un cambio nos hábitos da poboación galega: días máis longos, noites máis activas e un aumento significativo das incidencias xestionadas polo 112. Segundo os datos, as franxas horarias con maior demanda son as 15:00 e as 20:00 horas, coincidindo cun estilo de vida máis intenso e prolongado durante o verán. En 2023, o servizo rexistrou medias de 1.300 intervencións entre as 15:00 e as 16:00 horas, e case 1.500 (1.484) entre as 19:00 e as 20:00 horas durante xuño, xullo e agosto. Aínda que en 2024 houbo un descenso global de incidencias (233.289 anuais), estas franxas mantiveron cifras elevadas: máis de 1.000 chamadas á tarde e 1.200 á noite no mesmo período.
O Goberno galego incrementará o orzamento destinado á formación do persoal dos servizos de prevención de incendios forestais ata os 1,8 millóns de euros no bienio 2025-2026, o que supón un 19% máis que no período anterior. Esta medida enmárcase no Plan de Prevención e Defensa contra os Incendios Forestais de Galicia (Pladiga), cuxo obxectivo é minimizar o impacto ecolóxico, económico e social dos lumes, optimizando os recursos dispoñibles. O compromiso formativo da Consellería do Medio Rural xa se reflectiu en 2024, cando se impartiron 473 cursos con 11.447 participantes e máis de 108.000 horas de adestramento.
