martes, 22 de julio de 2025
O Instituto Galego das Artes Escénicas e Musicais (IGAEM) da Consellería de Cultura e Deporte e Editorial Galaxia veñen de coeditar a obra Manuel Lugrís Freire. Do texto ao escenario, unha aproximación á obra dramática do escritor sadense no contexto europeo e galego, coa que se inaugura a serie Grandes Manuais dentro da colección Biblioteca de Teatro. O profesor Manuel F. Vieites asina a edición deste libro, que recolle aportacións doutros sete autores, e co que se rende unha homenaxe á figura de Lugrís Freire como dramaturgo e home de teatro.
Afonso Becerra de Becerreá, Cristina Domínguez Dapena, Daniel González Salgado, Mar Montenegro, Norma Rodríguez, Ricardo Solveira, Damián Villalaín e o propio Vieites participan no volume mediante a achega de distintos escritos cos que se traslada unha completa visión de conxunto. Trátase de materiais de moi diverso tipo que teñen como finalidade orientar e potenciar a práctica do teatro, tanto para iniciar como para desenvolver proxectos de creación, expresión, comunicación e recepción teatral.
A figura e a obra de Lugrís Freire, a quen a Real Academia Galega decidiu dedicar o Día das Letras Galegas 2006, abórdanse neste libro como un exercicio necesario de recuperación da nosa memoria histórica. Estruturase ao través de dúas partes diferenciadas: unha primeira sobre os estudos literarios e teatrais que contextualizan a escrita e publicación da obra de Manuel Lugrís Freire no seu tempo; e unha segunda dedicada á creación teatral, na que se analiza o proceso que vai do texto ao espectáculo.
COLECCIÓN ABERTA
A nova entrega ocupa o número 1 da serie Grandes Manuais, que xorde co obxectivo de publicar obras de autoría galega que, dende unha perspectiva sistemática e pormenorizada, afonden nunha área teatral concreta co obxectivo de potenciar dende Galicia a produción e a difusión do coñecemento sobre as artes escénicas.
Grandes Manuais vénse a sumar ás outras dúas series xa abertas nesta Biblioteca de Teatro, xa que até agora existían as tituladas Manuais, dentro da que se están a traducir ao galego textos de referencia internacional no ámbito dos estudos teatrais; e Breviarios, na que se inclúen libros de autores e profesionais galegos a través dos que se proporciona unha introdución xeral e de carácter eminentemente práctico a unha determinada materia, en consoancia coa asignaturas impartidas na Escola Superior de Arte Dramática de Vigo.
O 112 Galicia rexistra os seus picos de emerxencia durante as tardes e noites de verán. Os meses estivais traen consigo un cambio nos hábitos da poboación galega: días máis longos, noites máis activas e un aumento significativo das incidencias xestionadas polo 112. Segundo os datos, as franxas horarias con maior demanda son as 15:00 e as 20:00 horas, coincidindo cun estilo de vida máis intenso e prolongado durante o verán. En 2023, o servizo rexistrou medias de 1.300 intervencións entre as 15:00 e as 16:00 horas, e case 1.500 (1.484) entre as 19:00 e as 20:00 horas durante xuño, xullo e agosto. Aínda que en 2024 houbo un descenso global de incidencias (233.289 anuais), estas franxas mantiveron cifras elevadas: máis de 1.000 chamadas á tarde e 1.200 á noite no mesmo período.
O Goberno galego incrementará o orzamento destinado á formación do persoal dos servizos de prevención de incendios forestais ata os 1,8 millóns de euros no bienio 2025-2026, o que supón un 19% máis que no período anterior. Esta medida enmárcase no Plan de Prevención e Defensa contra os Incendios Forestais de Galicia (Pladiga), cuxo obxectivo é minimizar o impacto ecolóxico, económico e social dos lumes, optimizando os recursos dispoñibles. O compromiso formativo da Consellería do Medio Rural xa se reflectiu en 2024, cando se impartiron 473 cursos con 11.447 participantes e máis de 108.000 horas de adestramento.
