viernes, 14 de agosto de 2026
O conselleiro de Innovación e Industria, Fernando X. Blanco, e o director xeral de Industria, Enerxía e Minas, Anxo Calvo, reuníronse en Londres con directivos de General Dynamics-Santa Bárbara Sistemas, cos que abordaron os plans de futuro da compañía para a Fábrica de Armas da Coruña. Na reunión participaron entre outros o vicepresidente de Desarrollo y Estrategia de Negocio da multinacional, Jesús Redondo, e o director da fábrica coruñesa, José Antonio Díaz Monjil.
Neste encontro avanzouse no estudo do novo plan de viabilidade da factoría da Coruña e, en concreto, a liña de aeronáutica coa que se pretende diversificar a súa produción. O proxecto consiste en abrir unha nova liña de fabricación de compoñentes para motores de aviación.
A Consellaría de Innovación e Industria estudará agora a viabilidade deste proxecto e, no caso dunha valoración positiva do mesmo, analizará posibles fórmulas de colaboración coa fin de contribuír a garantir a carga de traballo e o mantemento dos empregos da Fábrica de Armas da Coruña.
A reunión celebrouse no marco da feira Farnborough International Airshow 2006, segunda feira aeronáutica máis importante do mundo e primeira en temas aerospaciais, que foi inaugurada en Londres e que se clausura o 23 de xullo. Os responsables da Consellaría e os directivos de General Dynamics-Santa Bárbara Sistemas realizaron una visita conxunta aos stands dalgunhas das principais compañías aeronáuticas presentes na feira, cuxos produtos poderían ser fabricados, nalgúns casos, na factoría da Coruña.
O Proxecto Xenoma Galicia, que procura detectar variantes de risco para enfermidades hereditarias graves como o cancro de mama e ovario, a síndrome de Lynch ou a hipercolesterolemia familiar, xa permitiu detectar 42 persoas positivas entre as 2.504 mostras que se levan analizado. Este programa pioneiro de cribado xenético acada 2.504 mostras analizadas ata o de agora dos 4.261 participantes reclutados ata o momento, rexistrando unha taxa de positividade do 1,7 %. En decembro do ano 2024, botaba a andar o programa coa posta en marcha de dúas probas piloto, consistentes na recollida de mostras de sangue e de saliva.
O Festaclown volve a converter Vilagarcía de Arousa nun dos puntos de referencia do circo e das artes de rúa en Galicia, entre o 17 ao 22 de agosto, cunha programación que nesta edición reforza especialmente a súa dimensión internacional e o seu compromiso coa inclusión. Compañías e artistas procedentes de Colombia, Arxentina e Australia compartirán cartel con destacadas formacións galegas e do resto do Estado nun programa para todos os públicos que se desenvolverá fundamentalmente ao aire libre en rúas, parques e prazas da cidade.
