jueves, 17 de julio de 2025
A Xunta de Galicia está a apostar pola sensibilización dos mozos galegos de cara ás políticas exteriores e de axuda ao desenvolvemento. Entregáronse en Santiago os premios correspondentes a Galicia do concurso Euroescola 2006, no que participaron un total de 66 centros de ensino secundario da nosa comunidade e preto de 1.000 en todo o Estado.
Este certame promovido pola Comisión Europea celebrou a súa decimo terceira edición entre o 20 de febreiro e o 6 de abril pasados a través de internet baixo o lema A Unión Europea no mundo: A política exterior e a axuda para o desenvolvemento. É un xogo interactivo que consiste na resolución dunha serie de probas de coñecemento e habilidade relativas á Unión Europea, a política exterior e a axuda ao desenvolvemento por parte de equipos formados por 10 estudantes de enre 13 e 18 anos liderados por un profesor.
Trátase de conseguir que a mocidade dos distintos países da Unión Europea se achegue aos distintos aspectos da realidade comunitaria, coñecendo as iniciativas e axudas existentes enfocadas ao desenvolvemento e á cooperación internacional da UE.
Co apoio a este programa a Xunta de Galicia pretende que a mocidade galega se interese polas problemáticas de distintos ámbitos sociais, fomentando así a participación activa dos máis novos en todas as esferas da sociedade. Téntase ademais que a xuventude coñeza máis polo miúdo e se involucre ao mesmo tempo, nun ámbito tan crucial e de actualidade, como é o da política exterior e as axudas ao desenvolvemento.
Euroscola 2006 contou co apoio da Secretaría Xeral de Relacións Exteriores, da Dirección Xeral de Cooperación Exterior, da Dirección Xeral de Xuventude e Solidariedade e da Fundación Galicia Europa.
Premiados
As institución europeas e españolas promotoras do concurso premiaron aos gañadores (un por comunidade) coa asistencia ao Parlamento Europeo de Estrasburgo e cunha bolsa de viaxe de 600 euros. En Galicia este premio recaeu no IES Perdouro de Burela.
Cinco finalistas
Ademais, a Xunta de Galicia decidiu conceder accesits aos cinco colexios finalistas na Comunidade Autónoma. Deste xeito, concedeuse unha estadía en Santiago de Compostela para todos eles -a través da Dirección Xeral Xuventude e Solidariedade-, un lote educativo e informativo para os centros escolares e unha cesta de productos de Comercio Xusto a todos os membros dos cinco equipos finalistas por parte da Dirección Xeral de Cooperación Exterior e a Fundación Galicia Europa-.
As cinco equipas finalistas de Galicia foron:
- IES Perdouro de Burela (Lugo); equipa ies perdouro
- IES Ramón Otero Pedraio de Ourense, equipa solidotero
- IES Lauro Olmo de O Barco de Valdeorras (Lugo), equipa lauro olmo
- IES Perdouro de Burela (Lugo); equipa perdouro
- IES Rosalía de Castro de Santiago de Compostela (A Coruña), equipa ies Rosalía.
O acto de entrega dos premios celebrouse en Santiago. Nel participaron o director xeral de Xuventude e Solidariedade, Rubén Cela, o subdirector da Fundación Galicia Europa, Manuel Morán, e a xefa de Gabinete da Dirección Xeral de Cooperación Exteiror da Xunta de Galicia, Marta Álvarez.
O director xeral de Xuventude, Rubén Cela, destacou no acto de entrega dos premios, a importancia dunha mocidade comprometida co que pasa ao seu arredor e non indiferente, porque a indiferenza, dixo é cómplice de moitas das inxustizas e miserias que se dan no mundo. Aos mozos que asistiron ao acto, pediulles que teñan paixón por cambiar esas inxustizas e por facer un mundo máis habitable.
O subdirector da Fundación Galicia Europa, Manuel Morán, lembroulles aos rapaces que somos privilexiados por vivir nunha zona do mundo que posúe moitas comodidades para o desenvolvemento da vida cotiá e que hai que aproveitar esas facilidades para cambiar o mundo e facer extensivas esas comodidades a todos os habitantes do planeta.
Pola súa banda, Marta Álvarez, da Dirección Xeral de Coopreación Exteiror, trasladoullles aos rapaces premiados a importancia das accións a prol do desenvolvemento humano, facendo especial fincapé nas políticas de comercio xusto. Explicoulles que o Goberno galego está a potenciar esta liña de traballo e pediulles a súa colaboración para que os traballadores, sexan do sur ou do norte, reciban a mesma retibución polo mesmo traballo.
Campaña falemos de Europa
A décimo terceira edición do concurso Euroscola 2006 enmarcouse na campaña Falemos de Europa, que conmemora os 20 anos de España na Unión Europea. A Oficina do Parlamento Europeo e a representación da Comisión Europea en España convocaron e organizaron esta iniciativa a nivel estatal.
Os Concertos do Xacobeo regresan esta fin de semana á Praia da Concha de Vilagarcía de Arousa dándolle cobertura a unha nova edición do Atlantic Fest. Neste 2025, no cartel do Atlantic Fest danse cita, grandes figuras imprescindibles da escena indie-rock e o pop internacional, estatal e galega, como Primal Scream, The Jesus and Mary Chain, Slowdive, Zahara, Xoel López, Los Planetas e León Benavente, entre moitos outros, que actuarán no escenario principal do festival. As actividades gastronómicas celebraranse durante o venres 18 e sábado 19 de xullo, con degustacións e showcookings dirixidos por profesionais recoñecidos. O venres, ás 19:30 horas, a experta Salomé Beiroa será a encargada dunha cata de queixos galegos, e a partir das 22:00 horas terá lugar un showcooking a cargo do chef Iñaki Bretal, do restaurante Eirado da Leña (Pontevedra).
O 58% dos 855 ciclos de Formación Profesional ofertados para o próximo curso en Galicia complétanse na primeira adxudicación de prazas pechada onte pola Consellería de Educación, Ciencia, Universidades e FP, e que dá dereito a matricula. Segundo os datos recabados, un total de 56.049 persoas presentaron solicitude para cursar algunha modalidade de Formación Profesional, o que representa un incremento do 3,5% (1.898 solicitudes máis) con respecto ao curso 2024-25, e supón acadar de novo un máximo histórico que confirma o interese que espertan estas ensinanzas.
