jueves, 17 de julio de 2025
Unha delegación de bombeiros de Polonia, acompañados por representantes da ConsellerÃa de Medio Rural e da base de helicópteros do Campiño, visitou o Centro de Atención de Emerxencias 112 Galicia para interesarse polo sistema de xestión e intervención das emerxencias na Comunidade Autónoma.
O grupo, que dende o 16 de xuño atópase en Galicia para desenvolver un amplo, programa de actividades, foi recibido no 112 polo subdirector xeral de Atención de Emerxencias e Calidade da Dirección Xeral de Protección Civil, Javier Sánchez MartÃn. O subdirector informou aos membros do grupo do sofisticado sistema de xestión e coordinación na atención das emerxencias que leva a cabo a Dirección de Protección Civil en Galicia a través do Centro 112.
A expedición polaca estivo integrada por representantes dos bombeiros profesionais de Lublin, membros da Escola Profesional de Bombeiros de Cracovia e representantes da administración da Rexión de Zwidnik. Precisamente nesta zona está situada a fábrica de helicópteros contra incendios á que pertencen 5 helicópteros e 15 tripulantes dos que este ano axudan nas labores de extinción dos lumes en Galicia como parte dun programa máis amplo no que colabora a Administración estatal.
A xuntanza foi avaliada moi positivamente por ambas partes, especialmente para os membros da delegación de Polonia, onde o Servizo de Atención de Emerxencias implantouse hai un ano.
O Goberno galego incrementará o orzamento destinado á formación do persoal dos servizos de prevención de incendios forestais ata os 1,8 millóns de euros no bienio 2025-2026, o que supón un 19% máis que no perÃodo anterior. Esta medida enmárcase no Plan de Prevención e Defensa contra os Incendios Forestais de Galicia (Pladiga), cuxo obxectivo é minimizar o impacto ecolóxico, económico e social dos lumes, optimizando os recursos dispoñibles. O compromiso formativo da ConsellerÃa do Medio Rural xa se reflectiu en 2024, cando se impartiron 473 cursos con 11.447 participantes e máis de 108.000 horas de adestramento. Entre 2019 e 2024 investiuse un total de 2,6 millóns de euros, permitindo a realización de 159 accións formativas e case 469.000 horas lectivas.
O 58% dos 855 ciclos de Formación Profesional ofertados para o próximo curso en Galicia complétanse na primeira adxudicación de prazas pechada onte pola ConsellerÃa de Educación, Ciencia, Universidades e FP, e que dá dereito a matricula. Segundo os datos recabados, un total de 56.049 persoas presentaron solicitude para cursar algunha modalidade de Formación Profesional, o que representa un incremento do 3,5% (1.898 solicitudes máis) con respecto ao curso 2024-25, e supón acadar de novo un máximo histórico que confirma o interese que espertan estas ensinanzas.
