domingo, 8 de noviembre de 2026
"O PuntoGal será como o carné de identidade que identifique a Galicia en internet". Desta maneira definiu na Coruña o presidente da Asociación PuntoGal, Manolo González, a importancia da consecución dun dominio propio para a nosa cultura e a nosa lingua na rede. Nun acto que tivo lugar na sede da Real Academia Galega (RAG), González salientou que máis de 38 entidades representativas do paÃs xa se adheriron á iniciativa, como primeiro paso "dun proceso aberto" no que se agarda contar "con moitas máis". Entre as entidades figuran, por citar só algunhas, a Asociación de Editores de Galicia, o Colexio Profesional de Xornalistas de Galicia, o Consello da Xuventude, a Mesa pola Normalización LingüÃstica, a CRTVG, o Colexio Oficial de Arquitectos de Galicia, o Consello da Cultura Galega, EMUGA, a Federación de Libreiros de Galicia, Nova Escola Galega, Ponte nas Ondas, Vieiros, AME, CESGA, o Consello da AvogacÃa Galega, Onda Nós ou as tres universidades galegas.
O proceso de consecución do dominio, que segundo o presidente "contribuirá a fomentar a autoestima dos valores de Galicia", conta igualmente co "apoio explÃcito" da dirección xeral de Promoción Industrial e para a Sociedade da Información. A súa responsable, Elena Veiguela, asistiu de feito como convidada á Asemblea ConstituÃnte do PuntoGal celebrada o pasado sábado no Auditorio de Galicia en Santiago de Compostela.
Manolo González salientou entre os traballos previstos pola nova entidade a súa "implicación directa na sociedade" do paÃs para concienciala da importancia do proceso. AsÃ, a Xunta Directiva promoverá encontros e reunións con responsables polÃticos e sociais nas vindeiras semanas. Igualmente, o PuntoGal estará presente en diversos eventos e actividades públicas de agora en adiante. Finalmente, González afirmou que para a asociación é fundamental implicar á emigración no proxecto.
O vicepresidente da asociación, Camilo Regueiro, fixo un repaso dos pasos previos á constitución da entidade, que comezou cos traballos da Promotora e que desembocaron na Asemblea do pasado sábado na capital galega. Regueiro lembrou a importancia da participación do maior número posible de entidades como mellor maneira para conseguir o dominio, que deberá ser presentado como candidatura diante da ICANN, a Internet Corporation for Assigned Names and Numbers, o organismo internacional que os xestiona.
Ante a posibilidade de que en xaneiro se abra un novo prazo de candidaturas, a asociación presentou un plan de traballo que inclúe a elaboración dun informe que xustifique a súa necesidade, doutro que avale a viabilidade económica do proxecto e dun terceiro, de carácter técnico, que demostre que a entidade que vai xestionar o .gal ten capacidade para facelo. Os responsables da asociación manterán contactos coa iniciativa catalana do .cat, a única no mundo que ata a data conseguiu un dominio destas caracterÃsticas. Expertos cataláns na materia viaxarán de feito a Galicia para un encontro no vindeiro mes de xullo.
A Xunta Directiva da Asociación PuntoGal está composta por Manolo González como presidente, Camilo Regueiro como vicepresidente, DarÃo Janeiro como secretario, Lois RodrÃguez como tesoureiro e Sergio Aramburu, Marcos Fernández, Antonio López, Luis Romero e Miguel Seoane como vocais.
Máis información en www.puntogal.org
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas pelÃculas. Coa proxección de El pisito, de Marco Ferreri, comeza esta mesma tarde a ConsellerÃa de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardÃn de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
