domingo, 16 de agosto de 2026
Ata o 30 de xuño está aberto o prazo para a presentación de solicitudes, por vía telemática, ao abeiro das Bases reguladoras das axudas para o desenvolvemento de capital humano das empresas galegas, publicadas no DOG o pasado 19 de abril. O obxectivo prioritario destes apoios é o de contribuír ao desenvolvemento da competitividade do tecido empresarial a través de mecanismos de mellora e consolidación do capital humano das empresas galegas. A concesión dos apoios resolverase polo sistema de concorrencia competitiva.
Esta nova base, que amplía e diversifica o antigo programa de especialización laboral, servirá para fomentar o incremento da competitividade das empresas galegas, mediante o desenvolvemento do capital humano e a través dunha triple vía: coa creación e extensión de novos perfís profesionais; mediante a posta en marcha de proxectos colaborativos xestionados por organismos intermedios de apoio á competitividade e a innovación; ou a través da xeración de espacios colaborativos de innovación que permitan a definición de novos proxectos empresariais invididuais e innovadores.
Novos perfís profesionais
Neste caso, as axudas consisten en subvencións a fondo perdido a diferentes conceptos e diferentes beneficiarios para proxectos individuais ou colaborativos nos que a principal característica é que se precisase da cobertura dun perfil de recursos humáns para o cal o sistema educativo non ofrece unha resposta axeitada (deseño industrial, comercio exterior, tecnoloxía avanzada, entre outros), dende os puntos de vista cualitativo e cuantitativo. Os beneficiarios dos apoios son: os organismos intermedios, as pemes ás que prestan servizos de apoio á innovación e os recentes titulados universitarios que poderán incorporarse ao proceso formativo mediante o correspondente proceso de selección.
Outra das posibilidades de apoio está orientada á posta en marcha de proxectos colaborativos intensivos en capital humano xestionados por organismos intermedios de apoio á competitividade e a innovación; estes organismos intermedios serán os beneficiarios, sempre que promovan un proxecto que se encadre nun plan global de competitividade máis amplo e que afecte a un sector económico ou cadea de valor ou asociación tipo clúster galego. As axudas consisten en subvencións a fondo perdido para determinados gastos correntes necesarios para o desenvolvemento de proxectos nos que as principais carácterísticas son que o seu desenvolvemento se realice principalmente mediante recursos humanos e que benefician a un conxunto de empresas galegas.
A base contempla, igualmente, apoios para a xeración de espacios colaborativos de innovación que permitan a definición de novos proxectos empresariais invididuais e innovadores. As axudas consisten en subvencións a fondo perdido para determinados gastos correntes necesarios para desenvolver espacios nos que a participación de varias empresas permita mediante o emprego de metodoloxías innovadoras incentivar a xeración e definición de proxectos individuais innovadores.
O Proxecto Xenoma Galicia, que procura detectar variantes de risco para enfermidades hereditarias graves como o cancro de mama e ovario, a síndrome de Lynch ou a hipercolesterolemia familiar, xa permitiu detectar 42 persoas positivas entre as 2.504 mostras que se levan analizado. Este programa pioneiro de cribado xenético acada 2.504 mostras analizadas ata o de agora dos 4.261 participantes reclutados ata o momento, rexistrando unha taxa de positividade do 1,7 %. En decembro do ano 2024, botaba a andar o programa coa posta en marcha de dúas probas piloto, consistentes na recollida de mostras de sangue e de saliva.
O Festaclown volve a converter Vilagarcía de Arousa nun dos puntos de referencia do circo e das artes de rúa en Galicia, entre o 17 ao 22 de agosto, cunha programación que nesta edición reforza especialmente a súa dimensión internacional e o seu compromiso coa inclusión. Compañías e artistas procedentes de Colombia, Arxentina e Australia compartirán cartel con destacadas formacións galegas e do resto do Estado nun programa para todos os públicos que se desenvolverá fundamentalmente ao aire libre en rúas, parques e prazas da cidade.
