lunes, 22 de diciembre de 2025
A conselleira de Cultura e Deporte, Ánxela Bugallo, presentou na Feira do Libro de Madrid o volume Poemas pola memoria, Antoloxía de poesía galega sobre a represión (1936-2006), publicado con motivo de 2006, Ano da Memoria. O acto contou coas intervencións do director xeral de Creación e Difusión Cultural, Luís Bará, da escritora exiliada durante o franquismo, Mariví Villaverde, e do editor do libro, Manuel Fernández Rodríguez. Tres poetas que achegaron textos para esta antoloxía, Marga do Val, Xosé María Álvarez Cáccamo e Vicente Araguas, deron lectura a varios poemas incluídos nesta selección, como tamén fixeron varios galegos residentes en Madrid.
A conselleira de Cultura agradeceulle aos presentes a súa asistencia a un acto, dixo, que máis que unha presentación dun magnífico libro é un recoñecemento sincero ás persoas que sufriron a ditadura franquista, e que no caso de Galicia se ensañou especialmente co galeguismo cultural e político. A poesía proseguiu a conselleira, converteuse en denuncia e testemuña emocionante dun dos tempos máis duros da nosa historia e estas son testemuñas obrigadas do horror que viviron.
Ánxela Bugallo salientou o feito de que a maioría destas composicións tiveron que ser escritas nun exilio que foi definitivo para moitos e que abriu unha fenda na cultura galega e apuntou que os textos máis recentes responden á necesidade dos poetas de reaxir, de asumir a obriga moral e política de recuperar a nosa memoria para construír o noso futuro.
Ánxela Bugallo lembroulle ao auditorio do Pavillón Fundación Círculo de Lectores que en Galiza, o presente ano 2006 foi declarado oficialmente o Ano da Memoria por parte do novo goberno da Xunta. Segundo Bugallo, esta decisión supuxo un cambio radical na recuperación da nosa historia e o xusto recoñecemento a todos e todas as que loitaron pola liberdade. Tres son os eixes fundamentais deste programa de conmemoración: a investigación, a homenaxe e a difusión.
De feito, un equipo de traballo integrado polas tres universidades galegas está xa investigando todos os acontecementos que se produciron nos anos da represión. Durante este ano estanse a organizar actos de homenaxe e de recoñecemento das vítimas e das súas familias e a Xunta colaborará cos que se celebren desde as asociacións pola recuperación da memoria.
O obxectivo primordial desta efeméride é a difusión. Afirmou a conselleira que queremos saber a verdade e queremos que a sociedade galega a coñeza para deixar atrás o tempo dos silenzos, dos buracos negros, das preguntas sen resposta. Varias exposicións, libros, un portal de internet e un congreso contribuirán a espallar esa luz, engadiu.
O programa Radio na Biblio, que vai polo noveno ano en funcionamento, chega este curso a 245 centros de ensino que contan cun laboratorio de radio no que traballan as competencias vencelladas á alfabetización mediática, lingüísticas ou de expresión escrita e oral, entre outros. Con nove cursos en marcha, trátase dun programa consolidado que aproveita a posta en marcha dunha emisora de radio na biblioteca para traballar habilidades e destrezas e que permite o tratamento de contidos curriculares mediante metodoloxías activas e innovadoras que facilitan a aprendizaxe. Ademais, as actuais tecnoloxías da información e da comunicación facilitan o uso da radio como ferramenta pedagóxica de gran alcance para a difusión dos proxectos e iniciativas do centro educativo.
Tivo lugar a na cerimonia de entrega dos XVIII Premios Nacionais de Artesanía 2025, na que resultaron premiadas dúas candidaturas galegas. O artesán Aitor Martínez López de Arbina (Tomiño), especializado en tornería de madeira, resultou gañador na categoría Produto e a Fundación Artesanía de Galicia obtivo o recoñecemento na categoría Promociona para Entidades Públicas polo seu proxecto 'Artesanía no Prato'.
