martes, 27 de mayo de 2025
A Mesa pola Normalización Lingüística considera unha chafallada sen xeito e improvisada a circular que enviaron a Consellaría de Educación e a Secretaría Xeral de Política Lingüística a todos os centros de segundo ciclo de ensino infantil (3 6 anos). Nesa circular indícase que todos os centros que teñan máis de dúas unidades de infantil poderán impartir en galego unha desas unidades, sempre e cando conten cos seguintes requisitos: compromiso do profesorado implicado, autorización dos pais, nais ou titores, acordo do claustro, aprobación do Consello escolar e contar con alumnado suficiente para a constitución dun grupo, sen que supoña ningún incremento do número de unidades.
O Presidente da Mesa, Carlos Callón, lamenta que o ensino en galego se converta nunha carreira de obstáculos colocados pola Administración e critica que se lle outorgue ao galego un carácter de opcionalidade e excepcionalidade extrema. Nós defendemos a aplicación do Plan Xeral de Normalización da Lingua Galega, que ademais de ser un acordo parlamentar por unanimidade é o que figura no acordo de Goberno polo cal a Conselleira de Educación é Conselleira de Educación. Estoutro modelo que a Conselleira tirou da manga non está dentro do proceso de normalización lingüística, nin como o definen os acordos parlamentares e as leis en vigor.
Para A Mesa, este modelo presenta ademais demasiadas incertezas que a Consellaría debería aclarar, como as seguintes:
- Na liña que non é en galego vaise aplicar o acordo parlamentario de que un mínimo de unha cada tres horas sexa en galego ou vai ser unha liña onde se exclúa o galego totalmente? Nese último caso, como se garantiría o acceso dos nenos e nenas ao coñecemento da lingua galega?
- Cal é a demanda de alumnado mínima necesaria para que se constitúa unha liña en galego? Se hai 40 rapaces e rapazas, 14 se apuntan ao ensino en galego e 26 á outra liña, haberá dúas unidades así distribuídas? Consideraríase alumnado suficiente? Que garantías dá a Consellaría de Educación para que nese caso ou noutros semellantes se constitúa unha unidade?
- Nos casos en que poida haber demanda das nais e pais aínda que non acordo do claustro e/ou do consello escolar, a Consellaría de Educación vai arbitrar algún tipo de medida para garantir a existencia desa liña?
- Nos centros de dúas ou máis unidades que xa imparten en galego, vai ter consecuencias negativas esta circular, significando que unha desas unidades vai ter que deixar de impartirse en galego? (Esta circular enviouse tamén a centros que nestes momentos xa imparten en galego, conforme o disposto na lexislación vixente.)
Desde A Mesa tentamos, infrutuosamente, pórmonos en contacto coa Directora Xeral de Ordenación e Innovación Educativa para que clarificase todos estes puntos. Porén, a Consellaría de Educación só parece disposta a nos dar esta información nunha entrevista con dirixentes da Mesa que se estabeleceu para quince días antes de que os centros teñan que ter aprobada a súa inclusión neste proxecto. Tal carencia de información, que afecta singularmente aos propios centros de ensino, contribúe a levar este proxecto ao maior dos fracasos.
A Mesa reclámalle á Consellaría de Educación que envíe unha nova circular e corrixa a chafallada
A Mesa pola Normalización Lingüística exíxelle á Consellaría de Educación e á Secretaría Xeral de Política Lingüística que envíen unha nova circular aos centros de infantil, para a súa aplicación no curso 2006/07, no seguinte sentido:
- Nas zonas de maioría galego-falante (segundo inquéritos oficiais, como o censo de poboación), o ensino infantil debe ser en galego, calquera que sexa a lingua familiar dos nenos e nenas.
- Nos contornos de maioría castelán-falante:
o Todas as unidades de infantil han de impartir un mínimo de unha de cada tres horas en lingua galega.
o Nos centros de contornos castelán-falantes onde haxa profesorado disposto para o curso próximo e, ouvida a opinión de nais, pais e titoras/es, ofertaranse unha ou máis unidades de ensino infantil en galego. Serán experiencias iniciais que contarán coa dotación material, o apoio e o asesoramento da Consellaría de Educación e da Secretaría Xeral de Política Lingüística.
Marcelino de Santiago 'Kukas' e Isabel Rey interpretan esta historia cos seus bonecos, e son tamén responsables do deseño e e indumentaria dos monicreques xunto a Amelia Poyato, quen se encarga ademais da iluminación. A escenografía e os audiovisuais están concibidos por Maite Dubois. Xosé Lois Romero asina a composición musical e o espazo sonoro foi creado por Noemi Pardo, que colabora tamén nas voces gravadas. O carteiro de Ximaraos presenta unha historia que mestura maxistralmente realidade e fantasía para abordar dúas temáticas de gran relevancia: o impacto emocional do mal de alzhéimer nas familias e o papel da memoria ligada ao correo postal como fío condutor das relacións humanas.
O 27 de maio de 2005, a Xunta de Galicia convertíase na primeira administración pública de España que empregaba a sinatura electrónica para rubricar un documento cunha entidade externa. Ese día, o conselleiro de Innovación, Industria e Comercio, Juan Rodríquez Yuste, e representantes das empresas Communitel, R Cable y Telecomunicaciones Galicia e Telefónica, asinaban electronicamente un convenio de colaboración para a promoción do acceso empresarial á sociedade da información, converténdoo no primeiro documento asinado dixitalmente entre unha administración pública e entidades externas con todas as garantías de seguridade e autenticidade.
