lunes, 17 de agosto de 2026
O Departamento de Educación e Acción Cultural do Museo do Pobo Galego inaugurou as actividades previstas para a semana dedicada ás Letras Galegas. Uns 20 rapaces e rapazas, entre os 4 e os 9 anos, disfrutaron esta mañá dun obradoiro sobre os Maios que se desenvolveu no claustro do Museo e no Parque de Bonaval. No decurso do mesmo, os cativos recolleron distintos elementos vexetais ccos que logo,xunto con flores e froitas, dispuxeron sobre as estructuras cónicas dos maios.Finalmente cantaron coplas dedicadas ao maio. Ademais de celebrar esta festa popular e lembraron que é este o mes onde se celebra a nosa lingua de xeito especial. A actividade, como en toda a programación do Departamento de Educación do Museo, busca tamén un uso normalizado da nosa lingua entre os máis pequenos.
O Museo vai distribuír entre os seus visitantes, información sobre esta celebración e sobre o autor homenaxeado, Manuel Lugrís Freire, pero ademais, resulta que o día 18 de Maio conmemórase o Día Internacional dos Museos para o que este ano o ICOM elixiu o lema de Os museos e a xente nova. O día 18 , polo tanto, continúase coa dedicación especial ás Letras Galegas pero tamén se obsequiará aos nosos visitantes máis novos cun agasallo especial nese día de festa para todos os museos do mundo no que ademais sae un novo número da serie dos Caderniños Didácticos do MPG, dedicado ao Tecido.
Por outra banda, poderanse visitar dúas exposicións temporais nas instalacións do Museo do Pobo Galego:
Debuxos e gravados nas construcións populares
Fotografías de Luís-Higinio Flores; ata o31 de maio
Unha colección de imaxes que reproducen motivos gravados a punta de navalla, e nalgún caso debuxados, por autores anónimos sobre portas e ventás de casas, muíños ou capelas curtidas polo tempo, que unen ao valor icónico da variada tipoloxía dos signos con que se expresa a cultura rural as diversas texturas da madeira patinada pola chuvia e a intemperie, os liques e mofos que lle prestan variedade e riqueza plástica.
IX Certame de Artes Plásticas Isaac Díaz Pardo
Organizan: Deputación Provincial da Coruña Concello de Santiago de Compostela; ata o23 de maio
O Proxecto Xenoma Galicia, que procura detectar variantes de risco para enfermidades hereditarias graves como o cancro de mama e ovario, a síndrome de Lynch ou a hipercolesterolemia familiar, xa permitiu detectar 42 persoas positivas entre as 2.504 mostras que se levan analizado. Este programa pioneiro de cribado xenético acada 2.504 mostras analizadas ata o de agora dos 4.261 participantes reclutados ata o momento, rexistrando unha taxa de positividade do 1,7 %. En decembro do ano 2024, botaba a andar o programa coa posta en marcha de dúas probas piloto, consistentes na recollida de mostras de sangue e de saliva.
O Festaclown volve a converter Vilagarcía de Arousa nun dos puntos de referencia do circo e das artes de rúa en Galicia, entre o 17 ao 22 de agosto, cunha programación que nesta edición reforza especialmente a súa dimensión internacional e o seu compromiso coa inclusión. Compañías e artistas procedentes de Colombia, Arxentina e Australia compartirán cartel con destacadas formacións galegas e do resto do Estado nun programa para todos os públicos que se desenvolverá fundamentalmente ao aire libre en rúas, parques e prazas da cidade.
