martes, 18 de agosto de 2026
O xornalista, filósofo e escritor de Cervera Lleida-, Josep Ramoneda, é o seguinte convidado a participar no foro de debate e reflexión creado polo Club Internacional de Prensa de Galicia Secretaría Xeral de Comunicación-, para falar sobre Os medios de comunicación e a configuración da verdade, un tema que desgrana na súa disertación que ten lugar o mércores 10 de maio ás 8 da tarde, na sala de Convencións da Fundación Araguaney (Montero Ríos, 25-27, Santiago). O conferenciante é presentado polo secretario xeral de Comunicación, Fernando Salgado.
De qué xeito están implícitos e comprometidos, inflúen ou condicionan os medios de comunicación, a configuración da verdade na sociedade; cal é o papel d@s xornalistas neste proceso; cómo inciden os medios na construcción da sociedade
e milleiros de preguntas máis, sairán a relucir ó longo desta interesante conferencia de Ramoneda, director do Centro de Cultura Contemporánea de Barcelona.
Quén é Josep Ramoneda
Licenciado en Filosofía pola Universidade Autónoma de Barcelona, dende 1989 é director do Centro de Cultura Contemporánea de Barcelona, un centro de nova creación aberto ó público no ano 1994. O programa do Centro, ideado por el, títulase "La ciudad de las ciudades" e consiste nun espazo de investigación, formación, información, divulgación e entretemento dedicado ás cidades do mundo, un auténtico museo das cidades.
Foi tamén director do Instituto de Humanidades de Barcelona, centro de debate e de formación de carácter interdisciplinar e internacional.
Dende sempre alternou a investigación e o ensino da Filosofía co xornalismo. En 1968 comezou a súa carreira xornalística en "El Correo Catalán". Durante os anos 1973 e 1974 foi correspondente de "Tele-express" en París. Do 1975 ó 1990 foi profesor de Filosofía contemporánea na Universidade Autónoma de Barcelona. No 1979, xunto con José Martí Gómez, gañou o Premio del Arco ás mellores entrevistas publicadas en España polos seus traballos na revista "Por Favor". En 1980 fundou a revista cultural Saber e no 1982 pasou a dirixir a sección cultural de La Vanguardia. É director-fundador da colección "Textos filosóficos" de Edicións 62. En 1985 gañou o Premio Ciudad de Barcelona de xornalismo. Durante anos publicou semanalmente dous artigos: un de reflexión política e outro de reflexión cultural no xornal La Vanguardia. Actualmente escribe para o xornal El País e é colaborador habitual da Cadena SER e da cadea de tv Cuatro, no informativo que dirixe e conduce Iñaki Gabilondo.
Publicou numerosos libros, entre os que cabe salientar El sentido íntimo, 1982, Apología del presente, 1989, e Despúes de la pasión política, 1999. Os seus ensaios foron publicados en revistas internacionais como "Micromega", "Lettre Internationale" e "La règle du jeu".
Publicacións
Apologia del present - Edicions 62
Mitològiques - Ed. 62
El sentit íntim - Ed. 62
Libros colectivos como Frontera i Perill - Ed. 62
Coneixement, memòria i invenció - Ed. 62
Ediciones de Foucault, Locke, Nietzsche y Montesquieu en la colección «Textos filosòfics».
Después de la pasión política - Ed. Taurus 1999
Del tiempo condensado 2003
O sistema educativo galego contará con 536 centros plurilingües o próximo curso 2026/27 nas etapas de Infantil, Primaria, ESO ou Bacharelato e FP. Seis centros decidiron incorporarse a esta iniciativa e outros dous ampliar a súa participación na mesma a outras etapas, o que confirma o incremento progresivo deste modelo, voluntario para os centros, desde a súa posta en marcha. Do total dos centros con modelo plurilingüe, 445 serano en Primaria e 93 en ESO (se ben parte deles sono en ambas etapas á vez), 259 en Infantil, 16 centros en Bacharelato e 40 en FP. Ademais dos centros plurilingües, a Consellería oferta diversas modalidades. Así, outros centros optan por contar con seccións bilingües.
O Proxecto Xenoma Galicia, que procura detectar variantes de risco para enfermidades hereditarias graves como o cancro de mama e ovario, a síndrome de Lynch ou a hipercolesterolemia familiar, xa permitiu detectar 42 persoas positivas entre as 2.504 mostras que se levan analizado. Este programa pioneiro de cribado xenético acada 2.504 mostras analizadas ata o de agora dos 4.261 participantes reclutados ata o momento, rexistrando unha taxa de positividade do 1,7 %.
