domingo, 8 de noviembre de 2026
En xuño celébrase o evento e fállanse os premios en todas as súas categorías. Barsowia é a única obra en galego nominada a algún premio.
Barsowia, fundada en 2003, é unha revista independente de periodicidade cuadrimestral promovida polo colectivo Polaqia, o cal agrupa a dez autores autóctonos como núcleo de traballo. Ademais, promove talentosos autores novos de Francia, Estados Unidos ou Portugal. Barsowia acadou o pasado xaneiro o seu sétimo número e publica obras en galego e portugués, recollendo boa parte do mellor cómic que se está a facer en Galiza na actualidade.
O colectivo Polaqia foi fundado en 2001 e desde entón ten publicado ducias de autores, rebasou as oito mil unidades de banda deseñada editadas e divulgou dezaseis títulos. A candidatura aos Premios de Barcelona é o primeiro recoñecemento oficial que recebe.
No transcurso deste 2006 Polaqia está a celebrar o seu quinto aniversario e prepara numerosas novidades editoriais tanto no ámbito autonómico como estatal.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
