viernes, 19 de junio de 2026
O xoves 20 de abril, ás 9.15 horas, inaugúrase no Centro Social Caixanova en Vigo a IV edición dos cursos especializados “Cartoon Master Future” nos que 123 participantes de 14 nacionalidades diferentes debaterán o futuro da animación e dos novos medios dixitais. O acto estará presidido polo Director Xeral de Comunicación e Audiovisual da Xunta de Galicia, Manuel J. Fernández Iglesias; a Directora Xeral de Cartoon, Corine Jenart; o director da Obra Social de Caixanova, Guillermo Brea e o Director do Centro Galego de Artes da Imaxe, José Luis Cabo.
Estas xornadas están organizadas pola Asociación Europea de Animación Cartoon e o Programa MEDIA da Unión Europea en colaboración coa SecretarÃa Xeral de Comunicación da Xunta de Galicia, a través da Dirección Xeral de Comunicación Audiovisual e do Centro Galego de Artes da Imaxe e a Obra Social Caixanova.
O “Cartoon Master Future” de Vigo centra a súa análise nos retos da globalización da imaxe dixital e, durante tres dÃas, será punto de encontro e intercambio de experiencias por parte de diferentes profesionais de avalado prestixio internacional.
As xornadas estruturaranse en torno a tres eixes: a produción en Alta Definición, a televisión do futuro e os últimos avances en efectos visuais. Especialistas nestas tres áreas repasarán os revolucionarios cambios tecnolóxicos que abren múltiples posibilidades de difusión e consumo de contidos, modificando os sistemas de produción establecidos até agora e introducindo novos axentes que amplÃan as posibilidades de mercado. O programa, ademais de afondar nos anunciados cambios tecnolóxicos da Alta Definición, examina a entrada de novos operadores nos mercados emerxentes da televisión e das plataformas móbiles.
Como en cada edición, o “Cartoon Master Future” permitirá coñecer os últimos avances tecnolóxicos no campo da imaxe de sÃntese grazas aos relatorios dos representantes dos principais estudos europeos e americanos de efectos visuais, como Digital Domain, Rhythm & Hues, Double Negative e Ranchito, responsables de traballos como Las crónicas de Narnia, Harry Potter, Batman BeginsÂ… ao mesmo tempo que se analizarán algúns programas como “Shave and a Haircut” —empregado en pelÃculas como King Kong, Underworld 2 ou X-Men 2— e “SyFlex”, simulador nominado aos Oscars na categorÃa técnica.
O programa complementarase con presentacións de Sony, empresa lÃder mundial en entretemento dixital, deseñador e editor de contidos e equipamentos de alta tecnoloxÃa, ademais de proxeccións de curtametraxes 3D e de Renaissance, unha longametraxe futurista de animación rodada en branco e negro, producida polo estudo francés Attitude Studio.
O xoves 20 ás 9.30 horas, tras o acto de apertura, Olivier Milliès-Lacroix, Director comercial de Eutelsat (o maior operador de satélites de Europa) abrirá as xornadas cunha conferencia inaugural sobre o futuro da Alta Definición.
Este máster englóbase dentro do programa de promoción e formación do audiovisual deseñado pola SecretarÃa Xeral de Comunicación da Xunta de Galicia a través da Dirección Xeral de Comunicación Audiovisual. Este curso especializado sitúa a Galicia no calendario de eventos formativos de alto nivel internacional.
Sanxenxo volverá converterse este verán nun dos grandes referentes da música en directo en Galicia coa celebración da cuarta edición de Costa Feira, un evento que ofrecerá máis dunha decena de concertos e propostas musicais entre os meses de xullo e agosto no recinto do PolÃgono de Nantes. O ciclo arrancará o 24 de xullo con Wake Up! in Costa Feira e continuará o 28 de xullo e os dÃas 4, 11 e 18 de agosto coa proposta Electrolatino, que reunirá artistas destacados neste xénero como Henry Méndez, Danny Romero, Jose de Rico, Anthony & Yeigo, Jay Santos, Marc Magán ou Mar Lucas.
Ponse en marcha a programación da 14ª edición de Cultura no Camiño, que este verán ofrecerá 316 espectáculos escénicos e concertos a cargo de 147 formacións artÃsticas en 87 concellos galegos situados nas diferentes rutas xacobeas. Trátase dunha proposta enmarcada na campaña Para gustos, cultura, que este ano chegará a 200 localidades con máis de 3.600 propostas. O calendario de Cultura no Camiño para este ano, que se abriu esta semana con paradas en Ribadumia, onde Marta Ortiz presentou Canta, Bugina, canta! na Escola Infantil, e en Miño coa proposta A maxia dos libros, do Mago da Boina e Nami, no Centro de DÃa, continuará hoxe de novo en Ribadumia con Donas do lugar, un espectáculo de narración oral a cargo de MarÃa da Pontragha.
