domingo, 8 de noviembre de 2026
As explotacións de horta e flor da provincia da Coruña están acumulando perdas millonarias por mor dos efectos devastadores que está do temporal nos invernadoiros e nas colleitas. Segundo estimacións dos técnicos do Sindicato Labrego Galego, só na zona norte da provincia coruñesa os danos nos cultivos de leituga e nos invernadoiros ascenden a unha cifra aproximada de 1.620.000 euros.
Daquela, se estendemos o abano a outros cultivos de horta, ou á floricultura, os danos poderÃan superar os dous millóns de euros. O responsábel do sector nesta bisbarra, Antón Sánchez GarcÃa, calcula en que as explotacións de horta afectadas pola climatoloxÃa adversa, dun xeito ou outro, ascenden ao 80%.
Diante desta situación catastrófica para o sector, que ven sendo un suma e segue despois de perdérense boa parte das colleitas estivais por mor dunha praga de Trips, o Sindicato Labrego vai esixir a convocatoria urxente dunha comisión avaliadora integrada por representantes da Administración e das tres organizacións agrarias, para que faga unha avaliación dos danos totais ocasionados polos estragos do temporal e, ao mesmo tempo, para que busque fórmulas de compensación a estes danos, de maneira que a renda das explotacións se vexa o menos afectada posÃbel. Ao mesmo tempo, o SLG pedirá que haxa un cambio na normativa dos seguros agrarios para que se adapten á realidade e idiosincrasia de Galiza, pois nestes intres non cobren as necesidades propias do sector hortÃcola galego.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas pelÃculas. Coa proxección de El pisito, de Marco Ferreri, comeza esta mesma tarde a ConsellerÃa de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardÃn de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
