domingo, 8 de noviembre de 2026
O Conselleiro de Presidencia, Administracións Públicas e Xustiza, José Luis Méndez Romeu, avogou por aprender das experiencias doutras comunidades no proceso de reforma do Estatuto de AutonomÃa. Nunha entrevista na emisora barcelonesa COMRà dio, asegurou que “o intenso debate que houbo coa reforma do Estatuto de Cataluña simplifica algúns debates que deberemos repetir e onde coñecemos xa moito máis das posicións posibles que hai uns meses, cando se iniciou o proceso catalán”, e confiou en que o proceso galego sexa “máis breve” no tempo.
En resposta a unha pregunta sobre a defensa do Bloque Nacionalista Galego da definición de Galicia como nación no futuro texto estatutario, Méndez Romeu declarou que “o texto final, nestes ámbitos, terá que ser inevitablemente acorde coa Constitución”, e considerou que “o resultado final será similar ao que acabamos de ver en Cataluña”.
Participación do PP na reforma
Doutra banda, sobre a participación do Partido Popular de Galicia no proceso, o titular de Presidencia lembrou que “en Galicia, senón participan no proceso non se dan os dous tercios necesarios na Cámara, polo tanto son conscientes de que teñen a chave do proceso e tamén de que non poden ofrecer á sociedade unha posición permanentemente negativa”. Nembargantes, sinalou que “todo isto non quere dicir que o proceso vaia ser sinxelo nin exento de tensións e contradiccións”.
O conselleiro viaxou onte a Barcelona para manter unha xuntanza co presidente da Federación de Entidades Culturais Galegas en Cataluña e do Centro Galego en Barcelona, Luis Lamas Ãlvarez. Na sede desta institución ofreceu a conferencia O Estatuto e as AutonomÃas.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas pelÃculas. Coa proxección de El pisito, de Marco Ferreri, comeza esta mesma tarde a ConsellerÃa de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardÃn de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
