jueves, 20 de agosto de 2026
O director xeral para o Deporte, Santiago Domínguez OIveira, anunciou a intención da Xunta de incluir ao triatleta Javi Gómez Noia no programa Galiza-Pekín, no que está a traballar a Dirección Xeral para o Deporte cara as próximas Olimpiadas. Intentaremos facer unha discriminación positiva con el, coa intención de compensar dalgún xeito a inxustiza que se cometeu con este atleta durante estes anos.
O responsábel do Deporte Galego fixo estas declaracións no transcurso dunha rolda de prensa, na que tanto o deportista coma os representantes da Federación Galega de Triatlón pediron que o Consejo Superior de Deportes asuma as responsabilidades despois de impedir que o atleta competira a nivel internacional nestes últimos anos. Desta forma, o vicepresidente da Federación Galega, Francisco Villanueva, indicou que algúns sufrimos moito nestes anos, escoitando barbaridades e resulta moi duro esquecer todo sen un papel que recoñeza o erro e sinale ao responsábel.
Domínguez manifestou a súa ledicia porque Gómez Noia poida volver competir a nivel internacional representando a Galiza e logrando éxitos para o noso deporte e tamén insistiu na necesidade de que o CSD explique os motivos polos que o atleta estivo privado da posibilidade de competir a nivel nacional e internacional e das becas que merecía polos seus resultados deportivos. Este ano quedou fora do plan ADO, e non pola súa culpa, pero nós incluirémolo no Programa DGAN (Deportistas Galegos de Alto Nivel).
Pola súa parte, Javi Gómez Noia manifestou o seu agradecemento a todas as persoas que estiveron ao seu lado durante estes duros anos: Quero agradecer públicamente o apoio da Federación Galega, da Dirección Xeral para o Deporte neste último ano e dunha persoa que non está aquí, pero foi importantísima para min, o doutor Nicolás Bayón. Grazas a todos eles puiden seguir adestrando tranquilo e relaxado. Non podo dicir o mesmo do CSD e da Federación Española, xa que me sentín perseguido coma se foxe un criminal. Agora, o galego intenta mirar cara ao futuro, xa que unha vez recuperada a súa licencia federativa pode volver a competir no estranxeiro e nos próximos días farao en Qatar e Xordania. Fíxose xustiza, aínda non da forma máis correcta, polo que espero explicacións de todo o que sucedeu. Hoxe é un día moi feliz para min e quero mirar cara ao futuro, pero non esquezo o pasado.
O presidente da Federación Galega de Triatlón, José Ramón Meilán, tamén quixo recordar a todos os que traballaron para poñer fin a este pesadelo. O primeiro agradecemento é para Javi, porque non é fácil que con esa idade foxe capaz de manter esa enteireza e seguir adestrando; o segundo, para a Administración, porque neste último ano sentímonos moi respaldados pola Dirección Xeral para o Deporte e eso e moi importante para unha federación; o terceiro para Paco Villanueva, por todo o que leva pelexado, e por último ao doutor Nicolás Bayón, por darnos ese apoio científico que necesitábamos.
Javier Gómez Noia recuperou hai uns días a súa licenza federativa, despois de varios anos sen poder competir a nivel nacional e internacional por culpa dunha doenza no corazón. Mentres que o deportista contaba con varios informes médicos oficiais e privados de especialistas de prestixio internacional que o consideraban apto para a práctica do deporte, a especialista do CSD non lle daba o visto e prace. Finalmente, despois de varias cumes médicas, o CSD optou polo silencio, aínda que a Federación Española de Triatlón si lle concedeu a licenza federativa.
Galicia vén de acadar os 43.000 beneficiarios do Bono Coidado no Fogar e consolídase como referente na atención á dependencia en España. Esta medida pioneira, posta en marcha pola Xunta hai dous anos e única no conxunto do país, permite que as persoas dependentes poidan recibir coidados no seu fogar e forma parte do compromiso da Xunta coa atención á dependencia. Neste sentido, o Executivo autonómico destinou este ano 179 millóns de euros para esta prestación. O Bono Coidado no Fogar consiste nunha axuda de 5.000 euros ao ano para os dependentes que son coidados nos seus domicilios por un familiar ou calquera outra persoa da súa contorna.
O sistema educativo galego contará con 536 centros plurilingües o próximo curso 2026/27 nas etapas de Infantil, Primaria, ESO ou Bacharelato e FP. Seis centros decidiron incorporarse a esta iniciativa e outros dous ampliar a súa participación na mesma a outras etapas, o que confirma o incremento progresivo deste modelo, voluntario para os centros, desde a súa posta en marcha. Do total dos centros con modelo plurilingüe, 445 serano en Primaria e 93 en ESO, 259 en Infantil, 16 centros en Bacharelato e 40 en FP. Ademais dos centros plurilingües, a Consellería oferta diversas modalidades.
