domingo, 8 de noviembre de 2026
Este acto está incluído dentro do programa municipal de viaxes para a promoción deportiva, programa ideado pola concellería dirixida polo edil Jesús Manuel Raso López coa finalidade de promocionar e divulgar o deporte en xeral e do fútbol en particular.
Ó encontro acudiron un total de 50 nenos e nenas da localidade carralesa nun autobús que o concello dispuxo para tal fin. Neste proxecto tamén contribuíu o Real Club Deportivo da Coruña, que aportou as entradas para os rapaces e os seus monitores. Partiron ó redor das 15.30 h dende o Campo da Feira de Carral cara a Riazor. Aquí os rapaces puideron presenciar un emocionante encontro entre o club herculino e os maños, que como ben é sabido, rematou cun agridulce empate. Os nenos e nenas carralesas berraron, animaron, saltaron e ata bailaron o son dos cánticos da inchada deportivista. Unha vez rematado o partido, e cansos por mor de tanta emoción e diversión, voltaron a Carral ó redor das 19.45 h ó mesmo punto de partida.
Debido ó éxito da xornada, o concelleiro de deportes, Jesús Manuel Raso, decidiu empezar a preparar unha nova viaxe o Estadio Municipal da que poderán disfrutar os nenos en poucas semanas.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
