Notas de prensa

O Colexio de Xornalistas de Galicia fai extensivo o Premio Libertat d'Expressió 2003 a todo o colectivo profesional. O galardón foille concedido pola Unió de Periodistes Valenciáns

O órgano de goberno colexial entende tamén que o premio debe alcanzar á sociedade galega, exemplarmente movilizada como gran dique humano de contención da catástrofe do Prestige e como sinal de advertencia para que nada semellante poida suceder en ninguna Galicia, en ningún mar. A Xunta de Goberno do CPXG, ó tempo que expresa a súa felicitación a tódolos premiados e, particularmente, á Plataforma Nunca Máis, subliña o compromiso permanente coa liberdade, a palabra, o diálogo e a paz.
ENTREGA DOS PREMIOS O 6 DE MAIO
O Colexio Profesional de Xornalistas de Galicia (CPXG) e a Plataforma Nunca Máis foron galardonados cos premios Liberdade de Expresión 2003 polos socios da Unió de Periodistes Valenciáns (UPV). Os premios entregaranse o vindeiro 6 de maio en Valencia nun acto público. A Asemblea Xeral da Unió de Periodistes Valenciáns reunida o día 26 de febreiro acordou por unanimidade conceder o premio Libertat D´expressió 2003 ó Colexio Profesional de Xornalistas de Galicia, pola denuncia sobre o apagón informativo sufrido e por tódalas dificultades que tiveron á hora de obter e transmitir información veraz sobre a marea negra causada polo petroleiro Prestige. A Plataforma Nunca Máis recibe o galardón pola súa valente denuncia por todo o sucedido a raíz do afundimento do Prestige. Tamén foron premiados a Academia das Artes e as Ciencias Cinematográficas de España, o programa Caiga quien caiga, que recentemente deixou de emitirse en Tele-5; Julián Antonio Ramírez polo seu traballo como xornalista durante o franquismo en Radio París e as televisións locais de Pilar de la Horadada e de Orihuela (Alicante).