Notas de prensa

25 de Xullo: Día de Galicia e Día de Galeuzka

No calendario político dos Galeguistas, celebramos os 72 anos da sinatura do Pacto de Compostela e da constitución de Galeuzka; data na que Partido Galeguista, Unión Democrática, Acción Catalana, Euzkadi Buru Batzar e Nabara Buru Batzar asinan moito mais que un pacto, asinan a esperanza.

Galeuzkaconvértese no eixo da política exterior da Galicia na Iberia.
No espírito e tamén na praxe, o Partido Galeguista considera que Galeuzka non é un pacto entre formacións políticas galegas, cataláns e vascas, senón que, desde a perspectiva histórica, debe interpretarse como un pacto entre gobernos moralmente soberáns de tres nacións con dereitos históricos lexítimos e coa irrenunciable vontade de
gobernarse por si mesmas e que, desde a actualidade, debe entenderse como un legado con plena vixencia. Para os galeguistas, a Galeuzka do 1933 e un esforzo histórico para construír unha realidade Ibérica axeitada e non colonial que conxugue, desde o respecto e o necesario equilibrio, intereses estatais, nacionais, europeos e internacionais, en marcos constitucionais nos que a unidade de acción sexa un resultado e non unha imposición, política e administrativa, previa.
No 2005, o P.G. ve en Galeuzka unha nidia mensaxe de unidade desde a diferencia, de concordia entre partidos políticos que fai fincapé nas coincidencias sen que elo implique asimilismos ou renuncias ó ideario; unha praxe de actuación interpartidaria respectuosa e útil, que facilita a construcción sociopolítica tanto dos entornos inmediatos (no noso caso: Galicia), como daqueles que, histórica ou administrativamente, conforman unha realidade xeopolítica que ten que escoitar e atender as reivindicacións das galegas e galegos.
Ningunha data mellor que esta e ningún referente mais axeitado que Galeuzka para dar fe do espírito de “Concordia Nacionalista”, que o P.G. converteu no marco de actuación fai xa vinte anos, no “V Congreso” que se celebrouno 1985.
Como resultado da nosa tradición e vocación integradora, rexeitamos esa norma escrita en ningures que aconsella manter unha permanente competitividade entre as formacións políticas, aínda que teñan obxectivos tan coincidentes como os de reivindicar os dereitos
nacionais dunha tan histórica como lexítima identidade galega que, sen xénero algún de dúbida, manifestase na realidade indiscutible dunha Galicia que existe xeográfica e sociopolíticamente e reclama as cotas de control e autogoberno do seu destino as que ten dereito histórico e moral.
Xa que logo, a Presidencia do Partido Galeguista, consonte co acordo da Executiva Nacional, fai un chamamento a tódolos militantes e simpatizantes do P.G. para que participen activa, decidida e coa mais franca concordia, neste 25 de Xullo do 2005 que, para os galeguistas, ten que ser unha data de unidade nacionalista e galeguista na
reivindicación dese compromiso común na defensa dos dereitos da Galiza que, en si mesmo, constitúe unha esperanza de porvir

Outros contidos da web www.partidogaleguista.com
• Acta histórica da constitución de Galeuzka (25 Xullo 1933)
• Decisión da Executiva Nacional na que se acorda participar co BNG nun 25 de Xullo unitario de nacionalistas e Galeguistas (21 Xullo > 2005)
• Os Galeguistas somos, históricamente, a ferramenta de transformación eficaz da Galiza
• 85 ANOS DESPOIS DO PRIMEIRO "DÍA DE GALICIA"

Xabier González, presidente do Partido Galeguista, 2005-07-25

Actualidad

Foto del resto de noticias (112-4.jpeg) O 112 Galicia rexistra os seus picos de emerxencia durante as tardes e noites de verán. Os meses estivais traen consigo un cambio nos hábitos da poboación galega: días máis longos, noites máis activas e un aumento significativo das incidencias xestionadas polo 112. Segundo os datos, as franxas horarias con maior demanda son as 15:00 e as 20:00 horas, coincidindo cun estilo de vida máis intenso e prolongado durante o verán. En 2023, o servizo rexistrou medias de 1.300 intervencións entre as 15:00 e as 16:00 horas, e case 1.500 (1.484) entre as 19:00 e as 20:00 horas durante xuño, xullo e agosto. Aínda que en 2024 houbo un descenso global de incidencias (233.289 anuais), estas franxas mantiveron cifras elevadas: máis de 1.000 chamadas á tarde e 1.200 á noite no mesmo período.
Foto de la tercera plana (incendios-camions.jpeg) O Goberno galego incrementará o orzamento destinado á formación do persoal dos servizos de prevención de incendios forestais ata os 1,8 millóns de euros no bienio 2025-2026, o que supón un 19% máis que no período anterior. Esta medida enmárcase no Plan de Prevención e Defensa contra os Incendios Forestais de Galicia (Pladiga), cuxo obxectivo é minimizar o impacto ecolóxico, económico e social dos lumes, optimizando os recursos dispoñibles. O compromiso formativo da Consellería do Medio Rural xa se reflectiu en 2024, cando se impartiron 473 cursos con 11.447 participantes e máis de 108.000 horas de adestramento.

Notas

A revista científica Nature publica un achado fundamental para comprender a prevalencia da materia sobre a antimateria que existe desde as orixes do universo. O artigo, asinado polo equipo do experimento LHCb do CERN no que participa o Instituto Galego de Física de Altas Enerxías (USC), abre unha nova vía na procura de física máis alá do Modelo Estándar, a construción máis completa que a ciencia conseguiu ofrecer ata agora para explicar o universo.
Aínda que o descubrimento remóntase ao ano 2021, non foi ata onte cando a revista Archaeological and Anthropological Sciences publicaba o achado realizado por integrantes do Grupo de Estudos de Arqueoloxía, Antigüidade e Territorio da UVigo, que hai anos traballan no xacemento ourensán de Arema, na parroquia ourensá de Santa Mariña de Augas Santas (Allariz), do primeiro trilobite confirmado da época romana.
PUBLICIDAD
ACTUALIDAD GALICIADIGITAL
Blog de GaliciaDigital
HOMENAXES EGERIA
PUBLICACIONES