sábado, 7 de noviembre de 2026
A inauguración correu a cargo de Cristina Naya Riveiro, vicerreitora de Divulgación, Cultura e Deporte da Universidade da Coruña; Lorenzo Cotino, presidente da Axencia Española de Protección de Datos (AEPD); Francisco Pérez Bes, adxunto á presidencia da AEPD; e Ana MarÃa Aba Catoira, vicedecana da Facultade de Dereito da UDC e coordinadora da actividade.
Ao longo de dúas xornadas, o programa abordará cuestións de máxima actualidade como a regulación da intelixencia artificial, a responsabilidade dos órganos de goberno en materia de protección de datos, a avaliación e xestión dos riscos tecnolóxicos, o impacto das brechas de seguridade, o papel das persoas delegadas de protección de datos e a integración destas materias nas polÃticas de cumprimento normativo das organizacións.
Entre as persoas relatoras destacan Lorenzo Cotino, presidente da AEPD, e Alberto Gago, director da Axencia Española de Supervisión da Intelixencia Artificial (AESIA), protagonistas do debate inaugural centrado no estado actual e nas tendencias da regulación da protección de datos e da intelixencia artificial. O encontro contará tamén coa participación de representantes da Comisión Nacional do Mercado de Valores (CNMV), do Consello Xeral do Poder Xudicial (CGPJ), de empresas como Telefónica ou Inditex e doutras entidades e organizacións de referencia no ámbito da gobernanza dixital e o cumprimento normativo.
O programa inclúe ademais relatorios e mesas redondas sobre os novos retos do goberno corporativo, a responsabilidade dos órganos de dirección, a integración da protección de datos nos modelos de “compliance”, os riscos para a privacidade nas organizacións e os modelos de gobernanza para a xestión dos riscos tecnolóxicos nun contexto cada vez máis condicionado polo uso da intelixencia artificial.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas pelÃculas. Coa proxección de El pisito, de Marco Ferreri, comeza esta mesma tarde a ConsellerÃa de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardÃn de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
