jueves, 11 de junio de 2026
Foi un encontro no que se reuniu a persoal docente e investigador, profesionais e público interesado en coñecer de primeira man algunhas das tecnoloxÃas que están a marcar o presente e o futuro da industria. O programa incluÃu os relatorios Robótica avanzada e humanoides. Tendencias, impartido por VÃctor Alonso Ramos, director de Manufacturing e Transformación Dixital do CTAG, e O Digital Twin como tecnoloxÃa clave na industria do futuro, a cargo de Iria Galiñanes Romero, responsable da Ãrea de Digital Twin e Cuántica deste mesmo centro tecnolóxico.
Reforzar a conexión entre a universidade e o tecido innovador
Esta é a segunda actividade organizada baixo o selo dos Encontros Gidein. Segundo explica o coordinador da xornada, o profesor da Escola de EnxeñarÃa Aeronáutica e do Espazo Diego Carou Porto, a iniciativa nace da vontade de achegar á comunidade universitaria a experiencia e o coñecemento xerado por empresas e centros tecnolóxicos de referencia.
“Desde o Grupo de Innovación Docente Empresa e Innovación estamos na procura de ampliar o coñecemento que temos na Universidade a partir dunha mellor conexión coas empresas e centros tecnolóxicos”, sinala Carou. Neste sentido, destaca que estas entidades están a desenvolver metodoloxÃas e ferramentas avanzadas cunha importante orientación ao mercado e que, en numerosos ámbitos, constitúen referentes máis aló do contexto galego.
Nesta liña Carou salienta que o CTAG representa un exemplo destacado desta realidade. “Tras falar con VÃctor Alonso e Iria Galiñanes pensamos na organización dunha charla inicial no edificio Redeiras da Universidade de Vigo”, lembra o profesor sobre a orixe desta colaboración.
Da robótica humanoide aos xemelgos dixitais
A través das dúas conferencias, a xornada permitiu coñecer algunhas das liñas tecnolóxicas con maior potencial transformador para o sector industrial. No caso da intervención de VÃctor Alonso Ramos, o foco situouse na evolución da robótica avanzada e nos progresos que se están a producir no desenvolvemento de robots humanoides e na súa incorporación aos procesos produtivos. “Buscamos coñecer de primeira man o rol do CTAG en campos como a robótica avanzada e, en particular, os avances que se están a producir no campo dos humanoides e a súa aplicación ao sector industrial”, explica Carou.
Pola súa banda, o relatorio de Iria Galiñanes afondou no concepto de xemelgo dixital, unha tecnoloxÃa baseada na creación de réplicas virtuais de sistemas, procesos ou produtos que permite optimizar o seu deseño, funcionamento e mantemento. Tratouse de “poñer en común as principais ideas sobre os xemelgos dixitais, desde a súa propia definición ata as principais aplicacións por parte do CTAG”.
Un encontro aberto á comunidade universitaria e á sociedade
O carácter aberto e interdisciplinar constitúe unha das sinais de identidade desta iniciativa. O Grupo de Innovación Docente Empresa e Innovación integra profesorado procedente de diferentes ámbitos de coñecemento, unha diversidade que tamén se reflicte no perfil das persoas ás que se dirixen estas actividades.
“O noso grupo incorpora profesorado de diversas disciplinas e os eventos que organizamos tentan conectar a xente da universidade e da empresa”, subliña Carou. Por este motivo, engade, os Encontros Gidein están concibidos como espazos de intercambio abertos “para docentes, investigadores, profesionais e mesmo para o público xeral”.
A elección do edificio Redeiras como sede desta segunda edición responde precisamente a esa vontade de abrir a actividade á sociedade e favorecer o encontro entre o ámbito académico e os principais axentes da innovación tecnolóxica.
O sistema consiste nunha solución de IA aplicada ao servizo de emerxencias, deseñada para automatizar e mellorar a transcrición de chamadas de emerxencia mediante tecnoloxÃas de recoñecemento automático da fala. Esta solución, a única presentado a esta contorna de probas por unha administración pública, permite transcribir chamadas en tempo real ou case real, almacenar as conversas en formato estruturado e facilitar posteriormente procuras, análises e investigacións sobre incidencias de emerxencia.
Máis de 100 concellos impartirán a partir de xullo cursos de introdución á lingua e cultura galegas destinados á poboación non nada na Comunidade para favorecer a súa integración, convivencia e inclusión sociocultural efectiva. Ao abeiro desta iniciativa, unha das medidas inmediatas postas en marcha no marco do Pacto pola Lingua para fomentar o prestixio do galego, realizáronse o ano pasado un total de 105 cursos con 1.503 participantes de ata 39 nacionalidades. Este curso está estruturado en cinco unidades temáticas, pensadas para acompañar o proceso de aprendizaxe dun xeito gradual, práctico e conectado coa realidade galega.
