lunes, 3 de agosto de 2026
Durante esas tres xornadas, máis de 200 participantes compartirán investigacións e experiencias arredor dos retos que no eido da tecnoloxía e a educación.
As JUTE constitúen, desde hai máis de trinta anos, un dos principais foros de diálogo, intercambio e reflexión compartida sobre investigación e docencia no ámbito da Tecnoloxía Educativa. A cita en Santiago ten un valor simbólico especial, xa que a Facultade de Ciencias da Educación foi o lugar onde, en 2006, naceu a Rede Universitaria de Tecnoloxía Educativa (RUTE), a comunidade que institucionalizou este campo de coñecemento en España e proxectou as súas actividades en España e no estranxeiro. Vinte anos despois, as xornadas volven ao seu lugar de orixe cun claro espírito renovado.
Os retos dunha sociedade híbrida
A edición deste ano propón reflexionar sobre os interrogantes dunha sociedade cada vez máis híbrida e as súas implicacións educativas, co obxectivo de contribuír ao desenvolvemento dunha cidadanía dixital crítica capaz de sustentar, desde a educación, os valores necesarios para o fortalecemento democrático.
O programa abordará algúns dos debates máis vivos do momento: a renovación dos libros brancos nas facultades de educación, a controversia sobre o uso das pantallas na vida cotiá e as políticas educativas derivadas, a irrupción da Intelixencia Artificial nos procesos de ensino e aprendizaxe, e as implicacións destes e moitos outros ámbitos relacionados coa Tecnoloxía Educativa na convivencia social. As xornadas estrutúranse arredor de tres obxectivos: examinar os retos da hibridación para unha alfabetización dixital crítica, estudar as implicacións do sistema sociotécnico actual na convivencia e na educación e elaborar unha axenda educativa para o desenvolvemento dunha cidadanía dixital crítica.
Deste xeito, ao longo das tres xornadas combinaranse relatorios e conferencias, mesas de debate e a presentación de comunicacións científicas. O encontro está dirixido ao profesorado e persoal investigador en Tecnoloxía Educativa, estudantado de grao, mestrado e doutoramento. Tamén a equipos directivos e profesorado de centros non universitarios, departamentos de orientación, coordinadores/as de benestar e profesionais vinculados en calquera nivel educativo. Para favorecer unha participación ampla, JUTE 2026 contará tamén con modalidade virtual nalgunhas das súas sesións de acceso aberto desde a sección JUTE virtual.
O Instituto de Estudos e Desenvolvemento de Galicia (IDEGA) da USC presentou o 40º informe 'A Economía Galega', un estudo que realiza de maneira ininterrompida dende 1986. Os seus directores, Dolores Riveiro e Melchor Fernández, explicaron que o documento se pode resumir nunha 'evolución favorable na maior parte dos sectores de actividade, confirmando unha notable capacidade de adaptación nun contexto internacional complexo'. Os datos de 2025 son 'claramente positivos', afirmaron. 'Galicia pechou o ano co maior aumento de ocupación da última década, no que as mulleres concentran o avance e a inmigración se consolida como un dos grandes motores do emprego'.
A Xunta e as tres universidades pública galegas pecharon hoxe o acordo para reformar a estrutura de organización da Proba de Acceso á Universidade (PAU). O obxectivo, tal e como destacou o conselleiro de Educación, Ciencia, Universidades e FP, Román Rodríguez, 'é procurar a maior coordinación para garantir que as probas sexan adecuadas ao nivel e contidos do currículo de Bacharelato e que se corrixan con criterios que reflictan a boa preparación do alumnado galego'. o.
